Ծխախոտի հանդեպ սերը ոչ միայն վատ սովորություն է, այլև մեր ուղեղի աշխատանքի արդյունքն է։

Հարավային Կալիֆորնիայի համալսարանի (ԱՄՆ) նեյրոհոգեբան Անտուան Բաչարան հայտնաբերել է, որ ծխելու մեզ մղում է գլխուղեղի խորքում տեղակայված մի կղզյակ՝ ինսուլան։ Վերջինիս վնասվածքը (տեղային ինսուլտի կամ վիրահատության հետևանքով) լիովին մաքրում է նիկոտինային կախվածությունը, և օրգանիզմը կարծես մոռանում է ծխելու մասին։

Նիկոտինի սիրահարների 70%-ը հրաժարվում է ծխելուց նմանատիպ վնասվածքից հետո։ Բնականաբար հետազոտողը չի առաջարկում որպես թերապիա վնասել ծխողի ուղեղը, սակայն կախվածության հարցում ինսուլայի դերի բացահայտումը բժիշկներին հնարավորություն է տալիս ուղեղի այդ հատվածի վրա ազդելու մեթոդներ գտնել և շտկել բուժման մեթոդները։