Ինչն է գեղեցիկ, իսկ ինչը՝ ոչ։ Հարցն այնքան էլ պարզ չէ։ Գեղցկության չափանիշները տարբերվում են մշակույթից մշակույթ, փոխվում են նորաձևության և մտերիմների կարծիքների ազդեցությամբ։

Հարվարդի համալսարանի հետազոտողները (ԱՄՆ) մի գիտափորձ են անցկացրել։ Խնդրել են մասնակիցներին՝ քույրերի և եղբայրների քառասուն զույգի, քառասուն ամուսնական զույգի և քառասուն մտերիմ ընկերների զույգի, գնահատել մի քանի մարդկանց դիմանկար։

Պարզվել է, որ միմյանց հարազատ մարդկանց գնահատականները համընկնում են ավելի շատ, քան անծանոթներինը։ Այնպես որ՝ գեղեցկությունը վերացարկված կատարելատիպ չէ, այն կախված է և՛ հասարակության մեջ ընդունված չափորոշիչներից, և՛ այն բանից, թե որքանով ենք կախված այլ մարդկանց կարծիքից։

Իմանալով, թե ում կարծիքն է կարևոր հենց մեզ համար՝ լիովին հնարավոր է կռահել, թե ինչը մեզ դուր կգա և ինչը՝ ոչ։