Ի՞նչ չափանիշներով ենք ընտրություն կատարում սուպերմարկետում։ Ծանոթանանք НЕС մարկետինգային ընկերության մասնագետների հետազոտական աշխատանքի արդյունքներին։ 

Մեր հայացքը, սահելով սուպերմարկետի դարակների վրայով, ամենայն հավանականությամբ կանգ կառնի մեջտեղի հատվածում շարված ապրանքների վրա ․․․ գնելու որոշում կայացնելուց հինգ րոպե առաջ։ 

HEC մարկետինգային ընկերության հոգեբանները տեսախցիկով նկարահանել են գիտափորձի մասնակիցներին։ Տեսախցիկը որսացել է աչքերի շարժումները, իսկ հետո բոլորին խնդրել են բացատրել իրենց որոշումը։ 

Պարզվեց, որ գնորդները չեն գիտակցում, որ իրեց հայացքն ակամայից ուղղվում է դարակի կենտրոնին և կարծում են, որ գնել են այնտեղ դրված ապրանքը, որովհետև ամենից շատն են հավանել։ Իրականում, ինչպես բացատրում են հետազոտողները, մենք բոլորս անգիտակցաբար համարում ենք, որ կենտրոնում դրված է ամենալավն ու ամենակարևորը։