Աուտիզմն ուղեղի կանոնավոր զարգացման փոփոխությունների մի ամբողջ համակարգ է, որը կարող է շփման, բանավոր և ոչ բանավոր հաղորդակցության և կրկնվող վարքագծի տարբեր աստիճանների դժվարությունների հանգեցնել։

Այրիս Գրեյսն աուտիզմ ունի, ընդամենը հինգ տարեկան է և ապրում է Մեծ Բրիտանիայում։

«Մենք խրախուսում էինք Այրիսին նկարել, որպեսզի օգնեինք նրան խոսել սովորել և լուծել ուշադրության և կենտրոնանալու հետ կապված խնդիրները։ Որոշ ժամանակ անց նկատեցինք, թե որքան շնորհալի է նա։ Նկարելիս նրան հաջողվում է մոտ երկու ժամ կենտրոնանալ, ինչն իրականում շատ մեծ արդյունք է աուտիզմի պարագայում։ Նա իր աուտիզմի շնորհիվ ստեղծել է բնանկարչության այնպիսի մի ոճ, որը երբևէ չեմ տեսել։ Նա բացառիկ կարողությամբ է համադրում գույները»,- պատմում է Այրիսի մայրը՝ Արաբելա Կարտեր- Ջոնսոնը։