Եթե կանգնած եք ընտրության առաջ «գործ, թե անգործություն», ավելի լավ է ընտրել առաջինը։ Դրանով կխուսափեք ապագայում ձեր անվճռականության պատճառով զղջումից։ 

Մենք ընտրություն ունենք ինչպես փոքր, այնպես էլ մեծ գործերում՝ ինչ մասնագիտություն ընտրել, ում հետ գնալ ճաշելու, որտեղ անցկացնել արձակուրդը, ինչ հեքիաթ պատմել երեխային և այլն։ Որքան շատ են ընտրության տարբերակները, այնքան մեծ է սխալվելու հավանականությունը։ 

Հարավսլավացի հոգեբաններ Թոմաս Ժիլովիչը և Վիկտորիա Հասթեդ Մեդվեչը գիտափորձի մասնակիցներին խնդրել են պատասխանել մի հարցի․ «Երբ հիշում եք անցյալը, ինչի՞ համար եք զղջում, նրա համար, որ սխալվել եք, թե որ չեք արել ինչ-որ բան»։

Հարցվածների մեծամասնությունը (75%) նշել է, որ ամենաշատը զղջում է չարածի համար։ Այդ արդյունքը հաստատվել է նաև հետագա հետազոտություններում․ մենք հազվադեպ ենք անհանգստանում կայացրած սխալ որոշումների համար, սակայն զղջում ենք, որ մի ժամանակ վճռական չենք եղել և չենք արել որևէ բան՝ չենք շարունակել ուսումը, բավարար ուշադրություն չենք հատկացրել մտերիմներին, չենք օգտագործել մասնագիտական աճի հնարավորությունները։

Սխալ որոշումը զայրույթ և զղջում է առաջացնում կարճատև ժամանակում, իսկ ժամանակի ընթացքում մարդն սկսում է ափսոսալ կորցրած հնարավորությունների համար։