Քրոնիկական անքնության և շարունակական սթրեսների պայմաններում ոչ բոլորին է հաջողվում թարմ տեսք ունենալ նույնիսկ քաղաքից դուրս անցկացրած հանգստյան օրերից հետո։ Ահա մի քանի միջոց թարմանալու համար։

1. Մութն ընկնելուց հետո հրաժարվեք հեռախոսից և պլանշետից

Հաճախ թերագնահատում ենք գաջետների ազդեցությունը մեր ինքնազգացողության և արտաքինի վրա։ Դրանց պայծառ էկրանի առաջ, որը խոչընդոտում է մելատոնինի արտադրմանը, մեր ուղեղը պարզապես ի վիճակի չի լինում ազատվել լարվածությունից։ Մութ ժամանակ դրանց օգտագործման արդյունքում խախտվում է օրգանիզմի բնական բիոռիթմը։

Կարդացեք՝ Խելացի հեռախոսներն ընդդեմ ողնաշարի

2. Գիշերային դիմակ օգտագործեք

Գիշերային դիմակը կոսմետիկական հատուկ միջոց է, որը պետք է քսել մաշկին քնելուց առաջ և լվանալ առավոտյան։ Արթնանալով ավելի թարմ տեսք կունենաք, եթե անգամ ութ ժամից քիչ եք քնել ։ Այս միջոցի գաղտնիքն այն է, որ ազդում է անմիջապես մի քանի մակարդակով․ փափկեցնում է, արագացնում բջիջների թարմացումը և մաշկի ներսում վերացնում բորբոքումը։

3. Լեզու հանեք

Լեզվով մի վարժություն արեք։ Դուրս հանեք այն և որքան հնարավոր է առաջ ու ներքև ձգեք։ Այն խթանում է թունավոր նյութերի հեռացումը և վերացնում է հոգնածության հետքերը։

Կարդացեք՝ Դեմքի մերսում, որ պահպանում է երիտասարդությունը

4. Երգեք

Երգեցողությունը նույնքան օգտակար է, որքան խորը շնչառությունը և մաքուր օդում սպորտով զբաղվելը։ Բոլոր այդ գործողությունները հանգստացնում են միտքը և միևնույն ժամանակ մարմնում առաջացնում օգտակար վիբրացիաներ, որոնք նպաստում են միջբջջային հաղորդակցմանը և նվազեցնում են բորբոքումները։

5. Աչքերի մարզանք արեք

Աչքերի մարզանքն ազատում է լարվածությունից և հայացքին փայլ հաղորդում։ Փակեք աչքերը, կոպերին դրեք ցուցամատը, միջնամատը և մատնեմատը։ Մի քանի շրջանաձև շարժում արեք սկզբում ժամսլաքի ուղղությամբ, այնուհետև՝ հակառակ։ Այն խթանում է արյան շրջանառությունն աչքերի շուրջ։ Մատների բարձիկները դրեք քունքերին և կրկին շրջանաձև շարժեք։ Այն նույնպես կհանգստացնի։

Կարդացեք՝ Վարժություններ հոգնած աչքերի համար

6. Շնչառական վարժություն արեք

Նստեք հարմար դիրքում և կենտրոնացեք շնչառության վրա։ Շնչեք քթով՝ հետևելով ռիթմին, այնուհետև աստիճանաբար երկարացրեք արտաշունչը, հետո կրկին շնչեք սովորական ռիթմով։ Արտաշունչն այսպես աստիճանաբար երկարացնելը ակտիվացնում է պարասիմպաթիկական նյարդային համակարգը, ինչը պատասխանատու է հանգստի և օրգանիզմի վերականգման համար, ինչպես նաև նվազեցնում է սթրեսի մակարդակը։ Մկանները թուլանում են, հագենում թթվածնով, կարգավորվում է արյան շրջանառությունը։

Կարդացեք՝ Շնչառական վարժություններ լավ ինքնազգացողության համար