SOTSKIY.am մանկաբարձության և գինեկոլոգիայի կայքն սկսել է գործել 2014 թվականի ապրիլ ամսից։ Մեր նպատակ է՝ նպաստել առողջության, առողջության պահպանման վերաբերյալ իրազեկվածության բարձրացմանը, համացանցում բժշկության, մասնավորապես՝ մանկաբարձության և գինեկոլոգիայի վերաբերյալ հայալեզու բովանդակության ընդլայնմանը, առցանց անվճար խորհրդատվության զարգացմանը, հավաստի, բժշկի կողմից վերահսկվող տեղեկությունների տարածմանը։

Մեր նպատակների աստիճանաբար իրագործման մասին են փաստում ընթերցողների դրական կարծիքները, որոնք պարբերաբար ստանում ենք նամակների և մեկնաբանությունների տեսքով, ինչպես նաև ֆեյսբուքյան էջի և կայքի աշխատանքի վերաբերյալ մի շարք ցուցանիշների աճը՝

• ֆեյսբուքյան էջի հետևորդների քանակն աճել է ավելի քան 15.000-ով՝ հասնելով 31.790-ի, 
• օրական հրապարակվող հոդվածների հասանելիությունը՝ միջինում 35.000 մարդու, 
• կայքի եզակի այցելուների օրական քանակը՝ միջինում 3․000, 
• կայքի ամսական էջադիտումների քանակը՝ միջինում 145.753։ 

Անցնող տարվա ընթացքում ունեցանք մի շարք հանդիպումներ (սեմինարներ, բարեգործական հանդիպումներ), որոնց ընթացքում կանայք իրենց հուզող հարցերի պատասխաններն իմանալու և անվճար խորհրդատվության հնարավորություն ստացան։

Կարևորելով ձեռք բերած հաջողությունները և օրեցօր ավելացող ընթերցողների վստահությունը՝ շարունակելու ենք հանդես գալ նոր հոդվածներով, սեմինարներով և տարաբնույթ հանդիպումներով, սպասվում են նաև կայքի դիզայնի փոփոխություններ։

Շնորհակալություն ենք հայտնում մեր բազմահազար ընթերցողներին, շնորհավորում ենք գալիք Ամանորը և Սուրբ Ծնունդը։

Պահպանեք ձեր առողջությունը և օգնեք պահպանել ձեր մտերիմներինը։