Նարինջը օգտակար նյութերով և վիտամիններով հարուստ միրգ է։ Պարունակում է վիտամին A, C, D, P, ինչպես նաև B խմբի վիտամիններ, երկաթ, պղինձ, կալիում, կալցիում, նատրիում, մագնիում, ֆոսֆոր, ֆտոր, մանգան և այլ նյութեր։

Օգտակար հատկությունները

Նարինջն իր օգտակար հատկությունների շնորհիվ օգտագործվում է ինչպես պաշտոնական, այնպես էլ ժողովրդական բժշկության մեջ։

Նպաստում է իմունիտետի բարձրացմանը, օրգանիզմի ամրացմանը, նյութափոխանակության լավացմանը։

Հրաշալի միջոց է վիրուսային հիվանդությունների դեմ պայքարում։

Օգտակար է ավիտամինոզի կանխման և բուժման գործում։

Նպաստավոր ազդեցություն է թողնում ստամոքսաղիքային տրակտի վրա, նվազեցնում է աղիներում ընթացող թարախային պրոցեսները։

Օգնում է ազատվել փորկապությունից։

Օգնում է օրգանիզմից հեռացնել խարաններն ու թունավոր նյութերը։

Օգտակար է նաև էնդոկրին համակարգի համար։

Կանխարգելիչ հրաշալի միջոց է սրտանոթային համակարգի հիվանդությունների համար։

Նպաստում է արյան ճնշման կարգավորմանը։

Լավացնում է արյան որակը։ Նպաստում է արյան մեջ խոլեստերինի նվազմանը։

Բարենպաստ ազդեցություն է թողնում նյարդային համակարգի վրա։

Էներգիայի հրաշալի աղբյուր է, օգնում է հոգնածության ու ուժերի սպառման ժամանակ։

Օգնում է ազատվել բերանի խոռոչի հիվանդություններից։

Ֆոլաթթուն, որը մեծ քանակությամբ պարունակվում է նարնջում, խիստ կարևոր վիտամին է կնոջ համար, քանի որ օգնում է կանխել զարգացող պտղի բնածին արատները։

Նպաստում է քաղցկեղածին բջիջների քայքայմանը և օգնում է օնկոլոգիական հիվանդությունների դեմ պայքարում։

Օգնում է նաև ավելորդ քաշի դեմ պայքարում։

Օժտված է երիտասարդացնող հատկությամբ։

Կալորիականությունը

100 գրամ նարնջի կալորիականությունը 80 կկալ է։

Հակացուցումները

Հակացուցված է գաստրիտ, ստամոքսի խոց և աղիքների հետ կապված հիվանդություններ ունեցող մարդկանց։ Բացի այդ, նարինջը բարենպաստ ազդեցություն չի թողնում ատամների վրա, այդ պատճառով նարինջ ուտելուց հետո պետք է լվանալ ատամները։