Բիոտինը՝ վիտամին H, ամենաակտիվ վիտամին-կատալիզատորներից է։ Երբեմն այն անվանում են միկրովիտամին, քանի որ օրգանիզմի բնական աշխատանքի համար այն անհրաժեշտ է փոքր քանակությամբ։

Պարունակվում է հետևյալ մթերքներում (100գրամ մթերքում)՝

• տավարի միս- 98 մկգ, 
• եգիպտացորեն- 21 մկգ, 
• հավի ձու- 20,2 մկգ, 
• վարսակի փաթիլներ- 20 մկգ, 
• ոլոռ- 19 մկգ, 
• ցորեն- 10,7 մկգ, 
• պիստակ- 10 մկգ, 
• հավի միս-10 մկգ, 
• ելակ- 4 մկգ, 
• սերուցք- 4 մկգ, 
• թթվասեր- 3,6մկգ, 
• հալած պանիր- 3,6 մկգ, 
• չիչխան-3,3 մկգ և այլն։ 

Օրական պահանջը

Օրգանիզմի օրական պահանջը 0,15-0,3մկգ է։ Ընդ որում՝ պահանջն աճում է հետևյալ դեպքերում՝

• ֆիզիկական ծանրաբեռնվածություն, 
• սպորտով զբաղվելիս, 
• սննդաբաժնում ածխաջրերի մեծ քանակ, 
• ցուրտ կլիմա, 
• նյարդահոգեկան լարվածություն, 
• հղիություն, 
• կրծքով կերակրում, 
• ստամոքսաղիքային հիվանդությւոններ, 
• այրվածքներ, 
• շաքարային դիաբետ, 
• սուր և քրոնիկ վարակներ, 
• հակաբիոտիկների օգտագործում և այլն։ 

Օգտակար հատկությունները

Վիտամին H-ը մասնակցում է ածխաջրերի, սպիտակուցների ու ճարպերի փոխանակությանը։ Նրա շնորհիվ օրգանիզմն էներգիա է ստանում նշված նյութերից։ Մասնակցում է գլյուկոզայի սինթեզին։

Բիոտինն անհրաժեշտ է ստամոքսի և աղիների բնականոն աշխատանքի համար, ազդում է իմունիտետի և նյարդային համակարգի վրա, նպաստում է մազերի և եղունգների առողջությանը։

Փոխազդեցությունն այլ նյութերի հետ

Բիոտինն անհրաժեշտ է վիտամին PP-ի, B5-ի, ֆոլաթթվի և վիտամին B12-ի, ինչպես նաև ասկորբինաթթվի (վիտամին C) փոխանակության համար։ Մագնիումի (Mg) պակասի դեպքում հնարավոր է, որ օրգանիզմում վիտամին Н-ի պակաս առաջանա։

Բիոտինի պակասն ու ավելցուկը

Օրգանիզմում վիտամին H-ի պակասի նշաններն են՝

• մաշկի թեփոտում, հատկապես՝ քթի և բերանի հատվածում, 
• ձեռքերի, ոտքերի, այտերի դերմատիտ, 
• ամբողջ մարմնի մաշկի չորություն, 
• թուլություն, քնկոտություն, 
• ախորժակի կորուստ, 
• փսխում, 
• լեզվի այտուցվածություն, 
• մկանային ցավ, թմրածություն և վերջույթների ծակծկոց, 
• սակավարյունություն։ 

Բիոտինի երկարատև պակասը կարող է հանգեցնել իմունիտետի թուլացման, հյուծման, հալյուցինացիաների, դեպրեսիայի և այլն։