Գետնախնձորը վիտամիններով և հանքանյութերով հարուստ մթերք է և երկաթի պարունակությամբ գերազանցում է գազարին, կարտոֆիլին, բազուկին և բողկին։ Պարունակում է նաև կալիում, կալցիում, կրեմնիում,մագնիում, նատրիում, ֆտոր, քրոմ և այլ հանքանյութեր։

Պարունակում է բջջանյութ, պեկտին, օրգանական թթուներ, ճարպեր, սպիտակուցներ, անփոխարինելի ամինաթթուներ՝ արգինին, վալին, լիզին, լեիցին և այլն։ Հարուստ է В1, В2, В6, С, РР վիտամիններով և կարոտինոիդներով։

Օգտակար հատկությունները

Գետնախնձորը հարուստ է ինսուլինի բնական անալոգով՝ ինուլինով։ Այդ պատճառով էլ ցուցված է առաջին հերթին շաքարային դիաբետ ունեցող մարդկանց։

Օգնում է հոդատապի, միզաքարային հիվանդության, սակավարյունության, աղերի կուտակման և ճարպակալման դեպքում։

Գետնախնձորի թուրմն արյան մեջ պակասեցնում է շաքարի մակարդակը, նվազեցնում է ճնշումը, բարձրացնում է հեմոգլոբինի մակարդակը, բարենպաստ ազդեցություն թողնում ենթաստամոքսային գեղձի աշխատանքի վրա։

Օժտված է արտաքին միջավայրի անբարենպաստ ազդեցությունները չեզոքացնող հատկությամբ։ Օրգանիզմից հեռացնում է ծանր մետաղների աղերը, թույները, ռադիոնուկլիդները և խոլեստերինի ավելցուկը։ Այդ հատկությունը պայմանավորված է ինուլինի և բջջանյութի համատեղ ազդեցությամբ։

Վնասակար հատկությունները

Գետնախնձորը կարող է գազեր առաջացնել։