Հղիության 10-րդ շաբաթից սկսում են զարգանալ փոքրիկի դիմագծերը, և ձևավորվում են ատամնային սաղմերը: Հաջորդ շաբաթների ընթացքում նրա հյուսվածքներն ու օրգաններն արագորեն զարգանում են: Ձևավորվում են եղունգներն ու մատնահետքերը, նա կարողանում է բացել-փակել բռունցքները, շնորհիվ զարգացող մկանների և ռեֆլեքսների նա շարժում է վերջույթները և կարող է կողքից կողք հրվել: Սովորաբար առաջնեկի դեպքում մայրիկը դեռ չի զգում այս շարժումները: Մաշկի թափանցիկության պատճառով տեսանելի են նրա զարգացող և գործող կարևորագույն օրգանները՝ ներառյալ ուղեղը, նյարդային համակարգը, աղիները և լյարդը, որն արտադրում է արյան կարմիր գնդիկներ՝ էրիթրոցիտներ: Պորտալարն ավելի դժվարությամբ է աշխատում. այժմ մի երակն արյան հետ մատակարարում է պտղին թթվածին և սննդանյութեր, իսկ մյուս երկու երակներով արյունը դուրս է մղվում: Մոտ 12-րդ շաբաթից երիկամները սկսում են մեզ արտադրել, որը հայտնվում է ամնիտոիկ հեղուկում (պտղաջրեր), որտեղից փոքրիկը կուլ է տալիս այն, և գործընթացը շարունակվում է կրկնվել: Մինչ 14-րդ շաբաթը փոքրիկի ականջներն ու աչքերը տեղակայվում են ճիշտ դիրքով: Սկսվում է հղիության երկրորդ եռամսյակը…