Հղիության 15-20 –րդ շաբաթների ընթացքում պտուղն ավելի քան կրկնակի անգամ մեծանում է չափերով: Նյարդային համակարգը բավականին զարգացած է. նյարդերը կապում են ուղեղը մարմնի մյուս մասերի հետ: Փափուկ աճառային հյուսվածքները սկսում են վերածվել ամուր ոսկրերի՝ առաջին հերթին ձեռքերում և ոտքերում: Սկսում են զարգանալ զգայարանները: Այս շրջանում պտուղը լսում է մայրիկի սրտի աշխատանքը և ձայնը, այնպես որ կարող եք բարձրաձայն խոսել կամ երգել նրա համար: Հղիության 18-րդ շաբաթից սկսած մայրիկն արդեն սկսում է զգալ պտղի խաղը: