Այս ընթացքում զարգանում է պտղի շոշափելիքի զգայարանը՝ եզակի մատնահետքերի հետ միասին: Եթե մեղմորեն սեղմեք որովայնը, կզգաք փոքրիկի պատասխան հարվածը: Այժմ նա շոշափում է դեմքը, պորտալարը, և ուսումնասիրում է այն ամենն ինչին կարողանում է դիպչել: Մինչ 23-րդ շաբաթ, փոքրիկը կարողանում է կուլ տալ: Հնարավոր է զգաք նրա զկռտոցը, ինչը բնական երևույթ է և անհանգստություն չի պահանջում: Զարգանում են թոքերի բրոնխիոլները: Պտուղը սկսում է սովորել շնչել՝ փոքր քանակությամբ ամնիոտիկ հեղուկը թոքեր ներքաշելով և արտամղելով: 7-րդ շաբաթից ռեֆլեքսորեն բացվում են աչքերը, սակայն նա դեռ չի տեսնում: Ձևավորվում են շրթունքները, լեզվի համային պտկիկները: