Գլինտվեյն․ օգտակար և վնասակար հատկությունները

Գլինտվեյնը ալկոհոլային տաք (մինչև 70-80°С) ըմպելիք է, որի հիմքում կարմիր գինին է՝ չոր կամ կիսաչոր։ Տաքացնելիս գինուն խառնում են շաքարավազ, դարչին, մեխակ, մուսկատ, , կարի, քրքում, խնձոր, մեղր, իմբիր, դափնու տերև և այլ համեմունքներ։

Օգտակար հատկությունները

Գլինտվեյնի օգտակարությունն անվիճելի է։ Այն ամոքիչ հրաշալի միջոց է գրիպի, բրոնխիտի, մրսածության, թոքաբորբի և այլ խնդիրների դեպքում։ Օգտագործվում է ինֆեկցիոն հիվանդություններից հետո ուժերը վերականգնելու, արյան մեջ ինտերֆերոնների մակարդակը բարձրացնելու, իմունիտետն ամրացնելու համար։

Կարմիր գինին հրաշալի անտիսեպտիկ է, որն օժտված է հակամանրէային հատկությամբ, օրգանիզմը համալրում է վիտամիններով և ամինաթթուներով։

Գլինտվեյնը կիտրոնով պատրաստելու դեպքում հնարավոր է օրգանիզմն ապահովել վիտամին C-ով։ Կարմիր գինին երկարացնում է կյանքը, նրանում առկա ֆլավոնոիդների շնորհիվ լավացնում է սրտանոթային համակարգի աշխատանքը։

Գինու մեջ պարունակվող հակաօքսիդանտներն օգնում են Ալցհեյմերի հիվանդության դեպքում, առհասարակ գինին կանխում է թրոմբների առաջացումը, նպաստում է վնասակար խոլեստերինի հեռացմանը, նվազեցնում է արյան ճնշումը, վերացնում է ստրեպտակոկային վարակները և այլն։

Վնասակարությունը

Մեկ երեկոյի ըթացքում չի կարելի գերազանցել երկու գավաթի չափը, քանի որ գլինտվեյնն այնուամենայնիվ ալկոհոլ է պարունակում, բացի այդ նրանում պարունակվող համեմունքների առատությունը կարող էէ ստամոքսի խանգարում առաջացնել։

Խորհուրդ չի տրվում խմել ինսուլինակախյալ դիաբետիկներին, հղի և կրծքով կերակրող կանանց, ինչպես նաև մինչև 18 տարեկան երեխաներին։