Արտարգանդային հղիության դեպքում մեթոտրեքսատի օգտագործումը

Էկտոպիկ հղիությունը առաջին եռամսյակում մայրական մահացության հիմնական պատճառներից է: Դա կարող է ոչ միայն բարդություններ առաջացնել, այլ նաև հանգեցնել բեղմնավորման կարողության անկման՝ արգանդափողի կորստի կամ դիսֆունկցիայի պատճառով: Հաշվի առնելով կանանց շրջանում անպտղության աճող տեմպերը՝ անհրաժեշտ է օգտագործել ինչպես արդյունավետ, այնպես էլ օրգանները պահպանող բուժումներ: Վերջերս մեթոտրեքսատը լայն տարածում գտավ մանկաբարձական պրակտիկայում: Մեթոտրեքսատը (MTX) ֆոլաթթվի հակառակորդն է, որը լայնորեն կիրառվում է քաղցկեղի, ծանր փսորիազի և ռևմատոիդ արթրիտի բուժման ժամանակ: MTX-ը հակամետաբոլիտային դեղամիջոց է, որը գործում է ակտիվորեն բազմացող բջիջների, այդ թվում ՝ տրոֆոբլաստի վրա: Գործողության մեխանիզմը դիհիդրոֆոլատ ռեդուկտազի (DHFR) ֆերմենտի զսպումն է, որն իր հերթին առաջացնում է ԴՆԹ-ի և ՌՆԹ-ի սինթեզի համար անհրաժեշտ կոֆակտորների սպառում: Մեթոտրեքսատի՝ որպես արտարգանդային հղիության վիրահատության այլընտրանքային տարբերակի մասին առաջին հիշատակումը սկսվել է 1982 թվականից, երբ արտարգանդային հղիությունը բուժելու համար օգտագործվել է դեղամիջոցը: Մինչ օրս դրա օգտագործումը հնարավոր է ձվաբջջի ցանկացած տեղայնացման ժամանակ, ընդ որում` դեղագործական բուժումը արգանդի վզիկի կամ միջողային հղիության դեպքում, ինչպես նաև այն կանանց մոտ, ովքեր ենթարկվել են սալպինգեկտոմիայի, առավել նախընտրելի է վիրահատությունից հետո անպտղության բարձր ռիսկի պատճառով: Նախևառաջ, բուժումից առաջ անհրաժեշտ է բացառել արգանդի խեռոչում կենսունակ հղիության առկայությունը, քանի որ հակառակ դեպքում մետոտրեքսատը բացասաբար կանդրադառնա պտղի վրա:  

Էկտոպիկ հղիության պահպանողական բուժումը հնարավոր է, եթե բավարարվեն հետևյալ չափանիշները. 

Մեթոտրեքսատով բուժվող կանանց պտղաբերությունն ավելի բարձր է, քան սալպինգոէկտոմիայից հետո կանանց մոտ և համեմատելի է լապարոսկոպիկ սալպինգոստոմիայից հետո արդյունքների հետ, ուստի արտարգանդային հղիության դեղորայքային բուժումը կարող է համարվել վիրաբուժական բուժման արդյունավետ և անվտանգ այլընտրանք: