Հղիության ընթացքում պտուղը մորից ստանում է իր համար կենսականորեն անհրաժեշտ բոլոր սննդանյութերը: Երեխայի մարմնի մի շարք կարևոր օրգան համակարգերի ձևավորումը սկսվում է հղիության առաջին ամիսներից: Երեխայի նյարդային խողովակը, որը վերածվում է ուղեղի և ողնաշարի, զարգանում է հղիության առաջին իսկ ամսում: Այդ իսկ պատճառով հղիության ընթացքում կնոջը շատ ավելի սննդանյութեր են հարկավոր: 

Առողջ սնունդը և նախածննդյան շրջանի վիտամինների ընդունումը լիովին կապահովեն այն սննդային նյութերը, որոնք անհրաժեշտ են պտղին և մորը հղիության ընթացքում:

Իդեալական է սկսել  ընդունել նախածննդյան շրջանի վիտամիններ մինչև հղիանալը: Առհասարակ, վերարտադրողական տարիքում գտնվող կանանց համար ճիշտ է պարբերաբար ընդունել նախածննդյան շրջանի վիտամիններ:

Նախածննդյան շրջանի վիտամինները դրանք մուլտիվիտամիններ են, որոնց կազմը համապատասխանեցված է բավարարելու հղիության ընթացքում միկրոտարրերի նկատմամբ ավելացող պահանջարկը: Դրանք պետք է ընդունել և՛ մինչև հղիանալը, և՛ հղիության ընթացքում, ինչպես նաև կրծքով կերակրման ժամանակ:

Հղիության ընթացքում սովորականից շատ ֆոլաթթու և երկաթ է հարկավոր: Բացի ֆոլաթթվից և երկաթից, կարևոր է նաև, որ նախածննդյան շրջանի վիտամինները պարունակեն վիտամին D և կալցիում, ինչպես նաև կազմում ունենան վիտամին C, վիտամին A, վիտամին E, B խմբի վիտամիններ, ցինկ և յոդ:

Այսպիսի կազմով վիտամինային կոմպլեքս է հանդիսանում Պրեֆետալը: Պրեֆետալը վիտամիններ, հանքանյութեր և միկրոտարրեր պարունակող բալանսավորված միջոց է, որը ցուցված է վերարտադրողական տարիքի կանանց՝ հղիությունից առաջ, հղիության ընթացքում, ինչպես նաև կերակրելու ընթացքում: Այն նախատեսված է լրացնելու վիտամինների, հանքանյութերի և միկրոտարրերի ավելացող պահանջարկը վերը նշված ժամանակաշրջաններում՝ պտուղը սաղմնային նյարդային խողովակի արատներից պաշտպանելու, ինչպես նաև հղիության ընթացքում երկաթի և ֆոլաթթվի անբավարարությամբ պայմանավորված սակավարյունության զարգացումը կանխարգելելու համար:

 

ԱՊԱՑՈՒՑՎԱԾ  ԱՐԴՅՈՒՆԱՎԵՏՈՒԹՅՈՒՆ ԿԱՆԱՆՑ ՇՐՋԱՆՈՒՄ

Միկրոտարր	Ազդեցությունը
Ֆոլաթթու	Կանխում է հանկարծակի վիժման և վաղաժամ ծնելիության վտանգը
Ֆոլաթթու, երկաթ, սելեն, վիտամին E	Նվազեցնում է պրե-էկլամսիայի ռիսկը
Երկաթ	Կանխում է երկաթ-դեֆիցիտային սակավարունության զարգացումը
Կալցիում	Անհրաժեշտ է առողջ ոսկրերի և ատամների համար
Յոդ	Կանխում է խպիպի զարգացումը
Վիտամին C և E, բետա-կարոտեն, ցինկ և սելենիում	Ուժեղացնում է իմունային համակարգը

 

 ԱՊԱՑՈՒՑՎԱԾ  ԱՐԴՅՈՒՆԱՎԵՏՈՒԹՅՈՒՆ ԵՐԵԽԱՆԵՐԻ  ՇՐՋԱՆՈՒՄ

Միկրոտարր	Ազդեցությունը
Ֆոլաթթու	Նվազեցնում է սաղմնային նյարդային խողովակի արատներ զարգացման ռիսկը
Յոդ, ֆոլաթթու, ցինկ, երկաթ,	Կանխում է թերզարգացած և ցածր քաշով երեխային ծնման ռիսկը
Բետա-կարոտին	Նպաստում է ակնային համակարգի ձևավորմանը
Կալցիում	Անհրաժեշտ է առողջ ոսկրերի և ատամների համար
Վիտամին C և E, բետա-կարոտեն, ցինկ և սելենիում	Ուժեղացնում է իմունային համակարգը