Իստմիկո-ցերվիկալ անբավարարություն
Իստմիկո-ցերվիկալ անբավարարություն
Հայտնի են մի շարք պատճառներ, որոնք հանգեցնում են ինքնաբեր վիժումների: Դրանցից մեկը Իստմիկո-ցերվիկալ անբավարարությունն (ԻՑԱ) է. այսինքն, երբ արգանդի պարանոցը չի հաղթահարում աճող ծանրաբեռնվածությունը (աճող պտուղը, պտղաջրերը), և պարանոցը սկսում է վաղաժամ բացվել:
Ընթերցեք նաև՝ Կեղծ հղիության նշաններ
Հասկանալու համար, թե ինչպես է զարգանում այս պաթոլոգիան, նախ պետք է իմանալ արգանդի կառուցվածքը: Արգանդը բաղկացած է մարմնից (որտեղ հղիության ընթացքում զարգանում է պտուղը) և արգանդի պարանոցից, որը էնդոցերվիկսի հետ միասին հանդիսանում է ծննդաբերության ուղիների ընդհանուր բաղադրիչներից մեկը: Արգանդի վզիկը տանձաձև է, ունի 3-4 սմ երկարություն։ Արգանդի մարմնի հատվածից սահմանափակվում է ներքին բացվածքով, իսկ հեշտոցում՝ արտաքին բացվածքով: Արգանդի պարանոցը բաղկացած է շարակցական և մկանային հյուսվածքներից, ընդ որում, մկանային հյուսվածքը կազմում է նրա ընդամենը 30 %-ը և հիմնականում կենտրոնացած է ներքին բացվածքի հատվածում՝ կազմելով մկանային օղակ, որը պետք է պահի պտղաձուն արգանդի խոռոչում: Այս մկանային օղակի ցանկացած վնասվածքի դեպքում արգանդի պարանոցը դադարում է կատարել իր գործառույթը, որն էլ անվանվում է Իստմիկո-ցերվիկալ անբավարարությունը (ԻՑԱ): ԻՑԱ-ի տեսակները
Տրավմատիկ ԻՑԱ
Համարվում է, որ ներարգանդային տարբեր միջամտությունների ժամանակ, որոնք ներառում են արգանդի պարանոցի բացում, կարող է վնասվել վզիկի մկանային օղակը և հանգեցնել վիժման։
Ֆունկցիոնալ ԻՑԱ
ԻՑԱ-ն ձևավորվում է հղիության 11-27-րդ շաբաթների ընթացքում, բայց ավելի հաճախ՝ 16-27-րդ: Պտղի ներարգանդային աճի այս ժամանակահատվածում են զարգանում մակերիկամային խցուկները` էնդոկրին օրգանը, որն այլ հորմոններից բացի արտադրում է նաև անդրոգեններ (արական սեռական հորմոններ), որոնք ունեն իրենց դերը այս պաթալոգիայի զարգացման մեջ։ Եթե առկա է արական սեռական հորմոնների լրացուցիչ քանակ, և միևնույն ժամանակ հղի կնոջ մոտ նույնպես առկա է այս հորմոնների բարձր մակարդակ, կամ կինն ունի բարձր զգայունություն դրանց նկատմամբ, ապա դրանց ազդեցությամբ արգանդի պարանոցը թուլանում, կրճատվում և բացվում է, իսկ պտղաձվի ստորին հատվածը վնասվում է, պտղաթաղանթը կորցնում է իր ամրությունը, և տեղի է ունենում պտղաջրերի արտահոսք: ԻՑԱ-ի դեպքում վիժումը սովորաբար առանց ցավի է ընթանում և սկսվում է պտղաջրերի արտահոսքով:
ԻՑԱ-ի ախտորոշումը
Արգանդի պարանոցի վիճակը կարելի է գնահատել նաև հեշտոցային ՈՒՁՀ-ով, չափում են արգանդի պարանոցի երկարությունը և ուսումնասիրում ներքին բացվածքի վիճակը: Եթե արգանդի վզիկի երկարությունը 2,5 սմ-ից պակաս է, ապա սա համարվում է ԻՑԱ-ի ախտանիշ։
ԻՑԱ-ի բուժումը
-Օղ
- վիրաբուժական կար
Աղբյուրը
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին