Քունը բարելավելու 10 միջոց

Քունը բարելավելու 10 միջոց


Գոյություն ունեն քնի հիգիենայի կանոններ, որոնց հետևելու դեպքում հնարավոր է բարելավել քնի որակը։

1. Պառկեք քնելու և արթնացեք միևնույն ժամին

Մեզանից շատերը հանգստյան օրերին երկար են քնում, ինչը խախտում է կենսառիթմը։ Որպեսզի  բարելավվի քնի որակը, անհրաժեշտ է ամեն օր քնել և արթնանալ միևնույն ժամին։

2. Եթե հոգնածություն եք զգում, կարող եք փոքր-ինչ ննջել

Հաշվի առեք, որ ցերեկային քունը պետք է լինի առավելագույնը 45 րոպե տևողությամբ։

3. Հրաժարվեք վնասակար սովորություններից

Մասնագետները խորհուրդ են տալիս չօգտագործել ալկոհոլ և չծխել քնելուց առնվազն չորս ժամ առաջ կամ առհասարակ հրաժարվել վնասակար սովորություններից։

4. Սահմանափակեք կոֆեինի օգտագործումը

Խորհուրդ է տրվում քնելուց առնվազն վեց ժամ առաջ չօգտագործել կոֆեին

Հաշվի առեք, որ կոֆեին պարունակվում է ոչ միայն սուրճի, այլ նաև թեյի, գազավորված ըմպելիքների և նույնիսկ շոկոլադի մեջ։

5. Մի՛ սնվեք քնելուց առաջ

Քնելուց առնվազն 4 ժամ առաջ խորհուրդ չի տրվում օգտագործել դժվարամարս, կծու և քաղցր սնունդ։

6. Քնելուց առաջ մի՛ մարզվեք

Մասնագետները պնդում են, որ պարբերաբար պետք է մարզվեք: Սակայն, քնելուց առաջ ցուցաբերած ֆիզիկական ակտիվությունը կարող է ազդել քնի որակի վրա։

7. Ընտրեք հարմարավետ անկողնային պարագաներ

Եթե չեք կարողանում քնել, օրինակ, տաք ծածկոցի պատճառով, ապա հարկավոր է փոխել այն:

8. Օդափոխեք ննջասենյակը

Հետազոտությունները ցույց են տալիս, որ պատուհանը բաց քնելու դեպքում քնի որակը բարելավվում է։

Իսկ եթե օգտագործում եք օդորակիչ, ապա ընտրեք առավել հարմար ջերմաստիճան՝ նորմալ  ջերմաստիճանից մի քանի աստիճան ցածր։

9. Վերացրեք շեղող աղմուկը և նվազեցրեք լուսավորությունը ննջասենյակում

Ննջասենյակում գտնվող էլեկտրոնիկան կարող է խանգարել քուն մտնելուն. օրինակ՝ թվային, թարթող լույսերով ժամացույցը, համակարգիչը կամ միացված հեռուստացույցը։

10. Անկողնում մի՛ զբաղվեք այլ գործերով

Մի՛ զբաղվեք հեռախոսով կամ նոթբուքով․ այդպես խաթարվում է ձեր հանգիստը։ Հիշեք, որ անկողինը նախատեսված է միմիայն հանգստի համար։ Հետևելով վերոնշյալ կանոններին՝ դուք կարող եք բարելավել ձեր քնի որակը, ինչպես նաև հաղթահարել անքնությունը, որը, ի դեպ, կարող է հանգեցնել թե՛ հոգեկան, թե՛ սիրտ-անոթային խնդիրների։

 

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
 

Առողջ սովորություններ

Առողջ սովորություններ

Մեծահասակին անհրաժեշտ է 7-9 ժամ քուն

Ինչու է սերմնահեղուկը խիտ

Ինչու է սերմնահեղուկը խիտ

Սովորաբար սերմնահեղուկը նման է միատարր հեղուկի՝ կաթնագույն սպիտակից մինչև մոխրագույն-դեղնավուն գույնի, հատուկ հոտով:

Ո՞ր մթերքներն են ստիպում ավելի շատ ուտել և գիրանալ

Ո՞ր մթերքներն են ստիպում ավելի շատ ուտել և գիրանալ

Հաճախ կարող եք լսել, որ երբ խոսքը վերաբերում է նիհարելուն և քաշը պահպանելուն, ամենակարևորը կալորիաների ընդհանուր քանակն է, այլ ոչ թե դրանց աղբյուրը

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

Դաշտանադադարը դաշտանային ցիկլի բնական դադարեցումն է