Ինչպես հեռացնել միլիումները՝ դեմքի սպիտակ կետերը

Ինչպես հեռացնել միլիումները՝ դեմքի սպիտակ կետերը

Միլիումները փոքր (1–2 միլիմետր), խիտ, կլոր, բարորակ կիստաներ են մաշկի վրա՝ լցված սպիտակուցային կերատինով: Միլիումները չեն ցավում, քոր չեն առաջացնում և վնասակար չեն առողջությանը։

Լինում են դեղին և սպիտակ գույնի, սովորաբար հայտնվում են մաշկի նուրբ հատվածներում՝ աչքերի և բերանի մոտ, ճակատին, ինչպես նաև այտերի, քթի, կզակի, հազվադեպ՝ սեռական օրգանների վրա: Ինչու է առաջանում միլիում Երբ մաշկը շերտավորվում է, հին բջիջները թափվում են՝ նորերի համար տեղ ազատելու համար:

Եթե ինչ-ինչ պատճառներով դրանք մնում են, ապա որոշ ժամանակ անց կարծրանում են, և ձևավորվում է միլիում: Կան նաև երկրորդական միլիումներ, որոնք կարող են հայտնվել հետևյալ պատճառներով.

. մաշկի վնասվածքի պատճառով այն հատվածներում, որտեղ վնասվածքներ, ցան կամ արևայրուք է եղել,

. կորտիկոստերոիդների երկարատև օգտագործում,

. գենետիկ կամ աուտոիմուն հիվանդություններ:

Սպիտակ կետերը շատ տարածված են նորածինների մոտ, քանի որ նրանց մաշկը նոր է սովորում շերտազատել հին բջիջները:

Բայց միլիում կարող է առաջանալ ցանկացած անձի մոտ հետևյալ պատճառներով.

. մաշկի սխալ հիգիենա, . յուղոտ կամ կոմեդոգեն կոսմետիկայի օգտագործում,

. անկանոն քուն, . մաշկային հիվանդություններ, ինչպիսիք են սեբորեան կամ ռոզացեան,

. ստերոիդային դեղամիջոցների երկարատև ընդունում: Ինչպես հեռացնել միլիումը երեխաների մոտ

Միլիումը նորածինների մոտ բուժման կարիք չունի: Բավական է երեխային ամեն օր լվանալ տաք ջրով, երբեմն՝ մեղմ մանկական մաքրող միջոցով: Եթե մի քանի ամսվա ընթացքում միլիումները չեն անհետանում, պետք է դիմել մանկաբույժի, մաշկաբանի:

Ինչպես հեռացնել միլիումը մեծահասակների մոտ Կարող եք փորձել նուրբ շերտազատող միջոցներ: Միլիումը ասեղով բացելը խստիվ արգելվում է։ Կիստայի տեղում կարող են մնալ սպիներ, իսկ վերքի մեջ կարող են ներթափանցել բակտերիաներ, ուստի հարկավոր է դիմել կոսմետոլոգի:

Կարող եք իրականացնել՝ . մեխանիկական պիլինգ,

. կրիոթերապիա՝ արագ սառեցում հեղուկ ազոտով,

. դիատերմիա - այրում բարձր հաճախականության փոփոխական հոսանքի միջոցով,

. լազերային միջամտություն,

. քիմիական պիլինգ,

. դերմաբրազիա և այլն:

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին