Պրոպոլիսը կոկորդի ցավի դեպքում

Ի՞նչ է պրոպոլիսը 

Պրոպոլիսը կպչուն նյութ է, որը կազմված է ծաղկափոշուց, յուղերից և մոմից, որով մեղուները կառուցում են իրենց փեթակները: Մարդիկ հավաքում, մաքրում և օգտագործում են այդ նյութը տարբեր արտադրանքներում՝

• քսուքներ և կրեմներ;
• քթին և կոկորդին սպրեյներ;
• բերանի խոռոչի ողողումներ;
• ատամի մածուկներ;
• դեղամիջոցներ և կենսաակտիվ հավելումներ

Պրոպոլիսով միջոցները քիչ են ուսումնասիրված, սակայն առաջարկվում են որպես միջոցներ ստոմատիտի, տուբերկուլոզի, գրիպի ու մրսածության, սնկերի և նույնիսկ քաղցկեղի դեմ պայքարելու համար։

Ինչո՞ւ է համարվում, որ պրոպոլիսը պետք է օգնի կոկորդի ցավի դեպքում
Պրոպոլիսը պարունակում է նյութեր, որոնք պայքարում են բորբոքման դեմ՝ ֆլավոնոիդներ։
Դրանք գործում են այսպես․ հայտնվելով օրգանիզմում՝ ֆլավոնոիդները արգելափակում են որոշ սպիտակուցներ, որոնք փոխանցում են ազդակներ մարմնի տարբեր հատվածներից դեպի ուղեղ։ Դրա շնորհիվ բորբոքային ռեակցիան նվազում է, իսկ այն ուղեկցող ցավը՝ մեղմանում։
Բացի այդ, որոշ մարդիկ կարծում են, որ ֆլավոնոիդներն ունեն հակավիրուսային հատկություններ կամ կարող են ազդել իմունիտետի վրա։

Կա՞ն արդյոք ապացույցներ, որ պրոպոլիսը օգնում է
Չնայած պրոպոլիսի պոտենցիալ օգտակար հատկություններին, համոզիչ ապացույցներ, որ այս նյութը օգնում է կոկորդի ցավի դեպքում, մենք չենք գտել։ Լիարժեք միակ հետազոտությունն անցկացվել է միայն 129 երեխայի մասնակցությամբ, ինչը բավարար չէ վստահելի եզրակացություններ անելու համար։
Պրոպոլիսի օգուտը հիվանդ կոկորդի դեպքում ցուցաբերվել է ոչ թե մաքուր պրոպոլիսի, այլ դրա, մեղրի, ցինկի և Ումկալոաբոյի (աֆրիկյան գերանի արմատներից ստացված էքստրակտ) համադրությամբ։
Հետազոտությունը ֆինանսավորել է պրոպոլիսով կենսաակտիվ հավելումներ արտադրող ընկերությունը, ինչը կարող է ազդել արդյունքների վրա՝ հակված լինելով միայն դրական արդյունքներ ստանալ։

https://t.me/pavelsotskiy հետևեք նաև տելեգրամի ալիքին