Ինչպես գրում է DailyMail-ը, Օհայո նահանգում բնակվող կինը, 56 օր անցկացնելով հիվանդանոցում, ուրբաթ օրը լույս աշխարհ է բերել միաձվանի երկվորյակների:

Ջենան և Ջուլիանը ծնվել են Ակրոն Ջեներալ բժշկական կենտրոնում (Akron General)՝ կեսարյան հատմամբ, ընդ որում՝ նրանք «մոնո-մոնո» երկվորյակներ են (մոնոխորիալ մոնոամնիոտիկ երկվորյակ), ինչը նշանակում է, որ նրանք ունեցել են մեկ պտղապարկ և ընկերք: Բժիշկները վկայում են, սա բացառիկ երևույթ է, և այստեսակ ծնունդ հանդիպում է 1:10.000-ի հարաբերությամբ:

Աղջիկները միմյանց ձեռք էին բռնել, երբ բժիշկները նրանց ցույց տվեցին ծնողներին՝ Սառա և Բիլ Թիստլթվեյթներին: «Նրանք արդեն լավագույն ընկերներ են: Աչքերիս չէի հավատում, երբ տեսա նրանց ձեռք ձեռքի բռնած: Ապշելու բան է:», - նշել է երջանիկ մայրիկը: