Սթրեսը բարձրացնում է ցիտոկինների մակարդակը (յուրահատուկ սպիտակուցներ, որոնք խթանում են բորբոքային պրոցեսները), ինչը նպաստում է օրգանիզմի վաղաժամ ծերացմանը և ուղեկցող հիվանդությունների առաջացմանը։

Օհայոյի (ԱՄՆ) համալսարանի հոգեբանները պարզել են, որ այդ «չար» սպիտակուցների մակարդակն ուղղակիորեն կապված է ընտանեկան վեճերը հարթելու մեր կարողության հետ։

Ամուսիններին առաջարկել են քննարկել կիսատ մնացած որևէ վեճ, 24 ժամ անց բժիշկները չափել են արյան մեջ ցիտոկինների մակարդակը։ Միմյանց հանդեպ թշնամանքն ու ագրեսիան մեծացրել են արյան մեջ դրանց քանակը երկու ամուսինների դեպքում էլ։

Կառուցողական քննարկման դեպքում այդպես չի լինում։ Հետաքրքիր է, որ կանանց «խոհեմ» պահվածքը (նրանք հաճախ են գործածել հետևաբար, ենթադրում եմ, պետք է լինի արտահայտությունները) զսպել է տղամարդկանց արյան մեջ ցիտոկինների աճը (բայց ոչ հակառակը)։

Համագործակցությունը պահպանում է ամուսինների առողջությունը, սակայն կնոջից ավելի շատ բան է կախված։