Շտապելով սիրային ժամադրության՝ պետք չէ լիտրով դեզոդորանտ ցանել կամ անհանգստանալ զուգագուլպայի հատ գնացած թելիկի պատճառով։

Գրոնինգենի համալսարանի (Հոլանդիա) հետազոտողները համոզվել են՝ մեր օրգանիզմն ինքն է հոգում, որ կարողանանք ազատորեն տրվել կրքին՝ անտեսելով անհանգստացնող մանրուքները։

Երբ մեզ ամբողջովին տիրում է սեռական գրգռվածությունը, անգամ ամենատհաճ բաները, օրինակ՝ սուր հոտերը, մեզ այլևս չեն հուզում։ Զզվանքը մեր օրգանիզմի բնական արձագանքն է հնարավոր վտանգներին, որոնք առաջանում են արտաքին միջավայրից, այդ թվում նաև այլ մարդու մարմնից։

Գրգռված վիճակում, սակայն, այդ պաշտպանական համակարգի ակտիվությունը նվազում է, և դառնում ենք ավելի հանգիստ և պատրաստ մերձեցման։