Մեր զգացմունքներն անմիջականորեն կապված են դիմախաղի հետ։ Կոլումբիայի համալսարանի (ԱՄՆ) հետազոտողները ուսումնասիրել են տեսանյութեր դիտելիս այն կանանց արձագանքը, ովքեր դեմքի կնճիռների վերացման կոսմետիկական միջամտություն են կատարել։

Մասնակիցների առաջին խմբի համար կիրառվել է բոտոքս, մի միջոց, որը մասնակիորեն անշարժացնում է դեմքի մկանները, իսկ երկրորդ խմբի համար՝ մեկ այլ նյութ, որն ազատ է թողնում դիմային մկանները։

Պարզվել է, որ այն կանայք, ում դեմքի մկաններն ազատ են եղել, ներարկումից առաջ և հետո ուրախացել և տխրել են նույն կերպ, իսկ այ նրանք, ում համար ներարկումից հետո դժվար է եղել արտահայտել իրենց հույզերը, սկսել են վառ զգացումներ չապրել։

«Հենց խախտվում է դիմախաղը, սահմանափակվում է նաև հուզական արձագանքման կարողությունը»,- մեկնաբանում է հետազոտության ղեկավար, բժշկության դոկտոր Ջոշուա Դեյվիսը։