Չեք կարողանում հիշել հայտնի դերասանի կամ էլ այն մարդու անունը, ում հետ ծանոթացել եք մեկ ժամ առա՞ջ։ Փորձեք մեդիտացիա անել օրական 12 րոպե, և պատասխանն ինքնուրույն կգա։

Ուսումնասիրելով փորձարկվողների ուղեղի տոմոգրամաները (դրանք արվել են ութ շաբաթվա ընթացքում մի քանի անգամ)՝ ամերիկացի հետազոտողները պարզել են, որ ուղեղի՝ հիշողության համար պատասխանատու հատվածների ակտիվությունը մեդիտացիա անող մարդկանց դեպքում ավելի արտահայտված է, քան նրանցը, ովքեր այդ նույն 12 րոպեի ընթացքում լսել են Մոցարտի ստեղծագործություններից մեկը։

Մեր հոգու ներդաշնակությունն ավելի ուժեղ ազդեցություն է ունենում մեզ վրա, քան հանճարեղ մարդու ստեղծագործությունը։