Տառեխն ամենահայտնի ու հասանելի ձկնատեսակներից մեկն է։ Մեզ մոտ հանդիպում է հիմնականում աղ դրած կամ մարինացված վիճակում, սակայն բարեխիղճ արտադրողների դեպքում այն պահպանում է իր օգտակար հատկությունները նաև այդ տեսքով։ Տառեխը սպիտակուցի և անփոխարինելի ամինաթթուների լավ աղբյուր է։

Պարունակում է օմեգա-3, վիտամին D, А, РР և B խմբի վիտամիններ, կալցիում, յոդ, ֆոսֆոր, կալիում, մագնիում, նատրիում, ֆտոր, ցինկ և այլ միկրոտարրեր ու մակրոտարրեր։

Կալորիականությունը

Տառեխի կալորիականությունը կախված է տարիքից, կենսամիջավայրից և այլ գործոններից և կարող է տատանվել 85-250 կկալի սահմաններում 100 գրամի դեպքում։

Օգտակար հատկությունները

Նպաստում է իմունիտետի բարձրացմանը։

Դրական ազդեցություն է թողնում սրտանոթային համակարգի վրա, նվազեցնում է վնասակար խոլեստերինի մակարդակը, նվազեցնում սրտանոթային համակարգի հիվանդությունների առաջացման հավանականությունը։

Կանխում է երկրորդ տիպի դիաբետի առաջացումը։ Կարգավորում է նյարդային համակարգի վիճակը, առույգացնում է։

Բարենպաստ ազդեցություն է թողնում տեսողության վրա, կանխում հիվանդությունները։

Նպաստում է ոսկրային հյուսվածքի ամրացմանը։

Դրականորեն է ազդում մաշկի վրա, կանխում մաշկային հիվանդությունները։ Ցուցված է հղի կանանց։

Հակացուցումները

Աղ դրած տառեխը հակացուցված է հիպերտոնիա, երիկամների հիվանդություններ և այտուցներ ունեցող մարդկանց։