Մեզի մեջ առկա սպիտակուց
19514
Մեզի մեջ առկա սպիտակուց
Մարդու մեզի մեջ սպիտակուցի նորմալ պարունակությունը կազմում է ոչ ավելի, քան 0,033 գրամ՝ մեկ լիտրում: Ավելի շատ քանակով սպիտակուցի առկայությունը վկայում է պրոտեինուրիայի մասին։
Առաջացման պատճառները
Մեզում սպիտակուցի մակարդակը բարձրանում է այնպիսի պատճառներով, ինչպիսիք են.
- սխալ սննդակարգ, սպիտակուցներով հարուստ դիետա
- հաճախակի սթրեսներ, նյարդային գերլարվածություն
- հղիություն
- գաստրոէնտերոլոգիական պաթոլոգիա
- երիկամների պաթոլոգիաներ, որոնք ձևավորվում են առկա հիվանդությունների ֆոնի վրա․ պիելոնեֆրիտ, գլոմերուլոնեֆրիտ, երիկամային քաղցկեղ, լիպոիդային նեֆրոզ
- թունավորումներ
- հիպոթերմիա, ջրազրկում
- հիպերտոնիկ հիվանդություն
- որոշակի խմբերի դեղերի երկարատև օգտագործում
- միզասեռական ուղիների հիվանդություններ
Հղիության ընթացքում մեզի մեջ սպիտակուցի մակարդակի բարձրացումը կարող է վկայել․
- հղի կնոջ անհավասարակշիռ սնման մասին
- բարձր արյան ճնշման մասին
- պիելոնեֆրիտի մասին
- գեստոզի զարգացման մասին
Լրացուցիչ ռիսկի գործոններ՝ իմունային խանգարումներ, ճարպակալում, օրգանիզմի տարիքային փոփոխություններ:
Ախտանշաններ
Եթե մեզի մեջ սպիտակուցի ավելացումն աննշան է, ապա լրացուցիչ ախտանիշներ չեն նկատվում: Իսկ եթե սպիտակուցի առկայությունը որոշակի պաթոլոգիական գործընթացի ախտանիշ է, կարող են լինել.
- հոդացավեր
- քնկոտություն, հոգնածություն
- սրտխառնոց, փսխելու ցանկություն
- մեզի գույնի փոփոխություններ. սպիտակուցի մակարդակի բարձրացման դեպքում՝ մեզի կարմրավուն գույն, իսկ նվազեցման դեպքում՝ սպիտակ
- դող, ջերմություն, այտուցվածություն, ցավ, ախորժակի կորուստ
Ախտորոշում․ իրականացվում է մեզի մեջ սպիտակուցների մակարդակի բարձրացման պատճառները պարզելու համար:
Ֆիզիկական զննում. իրականացվում է բժիշկ-թերապևտի կողմից և ներառում է՝ անամնեզի կազմում, հետազոտություն և մանրամասն քննում:
Լաբորատոր մեթոդներ. մեզի ընդհանուր և ամենօրյա վերլուծություն, արյան ընդհանուր և կենսաքիմիական վերլուծություն, որովայնի խոռոչի, փոքր կոնքի և սրտի ուլտրաձայնային ստուգում, իմունաբանական ուսումնասիրություններ:
Բուժում
Այն սահմանվում է միայն բժշկի կողմից և միայն փորձաքննության արդյունքների հիման վրա: Կախված երևույթի պատճառներից՝ հիվանդին կարող են նշանակվել հակաբորբոքային դեղեր, խիստ հավասարակշռված դիետա, հակաբիոտիկներ և այլն:
