8 միջոց՝ փռշտոցը դադարեցնելու համար
7129
8 միջոց՝ փռշտոցը դադարեցնելու համար
Փռշտոցը ռեֆլեքս է, որը տեղի է ունենում քթի լորձաթաղանթի գրգռման արդյունքում: Հանկարծակի փռշտոցը կարող է առաջանալ տարբեր գործոնների պատճառով, որոնք են.
- փոշի կամ օդի այլ աղտոտում,
- պայծառ լույս,
- հարբուխ կամ գրիպ,
- քթի համար նախատեսված ցողիչներ (սփրեյ),
- ալերգիա,
- չոր օդ,
- կծու սնունդ,
- հույզեր,
- թմրամիջոցների ընդունման դադարեցում:
Փռշտոցը դադարեցնելու համար հարկավոր է գործել՝ կախված պատճառներից:
- Սեղմել քիթը։
Եթե փռշտալու ցանկությունն առաջացել է անհարմար պահի, կարող եք մի քանի վայրկյան մատներով սեղմած պահել քիթը։
- Սեղմել լեզուն ատամներին։
Փորձագետները խորհուրդ են տալիս պարզապես լեզվի ծայրը սեղմել քիմքին, եթե ցանկանում եք փռշտալ: Կամ կարող եք լեզուն սեղմել առջևի ատամներին, և 5-10 վայրկյան հետո փռշտալու ցանկությունը կանհետանա:
- Մաքրել քիթը։
Երբեմն ուզում եք փռշտալ քթի մեջ կուտակված լորձի պատճառով, և դրանից ազատվելու դեպքում կդադարեք նաև փռշտալ։
- Չնայել լույսին։
Շատերը սկսում են փռշտալ պայծառ լույսի պատճառով: Ուստի, չփռշտալու համար պարզապես չպետք է նայել պայծառ լույսին։
- Շնչեք մաքուր օդ։
Փոշոտ սենյակում գտնվելու, ծուխ շնչելու կամ սուր բույր զգալու դեպքում կարող եք սկսել փռշտալ: Արձագանքը դադարեցնելու համար հարկավոր է դուրս գալ մաքուր օդ կամ օդափոխել սենյակը:
- Խոնավացնել օդը։
Հատկապես ջեռուցման ժամանակ հարկավոր է օդը խոնավացնել, ինչի համար կարող եք օգտագործել հատուկ սարքեր կամ պարզապես կախել թաց սրբիչներ:
- Բուժել հարբուխը։
Հարբուխի բուժման համար հարկավոր է ավելի շատ հեղուկներ խմել, հանգստանալ, օգտագործել ջերմիջեցնող դեղամիջոցներ՝ մարմնի ջերմաստիճանի բարձրացման դեպքում: Իսկ քիթը կարելի է լվանալ աղի լուծույթներով կամ օգտագործել հատուկ կաթիլներ:
- Բուժել ալերգիան։
Ալերգիայի պատճառով քիթը գրգռվում է, առաջանում է արցունքահոսություն, կարմրում են աչքերը և առաջանում է փռշտոց: Ախտանիշները կարող են ի հայտ գալ գարնանը՝ բույսերի ծաղկման շրջանում, կամ կենդանիների հետ շփումից հետո: Ամեն դեպքում, անհրաժեշտ է բժշկի ցուցմամբ բուժվել հակահիստամիններով։
Աղբյուրը
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
