Կուսաթաղանթ

Կուսաթաղանթ

Կուսաթաղանթը (հիմեն) լորձաթաղանթի ծալք է՝ տեղակայված հեշտոցամուտքի մոտ։ Տարբերակում ենք կուսաթաղանթի հետևյալ մասերը՝

• կուսաթաղանթի հիմքը, որը հարակից է հեշտոցի պատերին,

• ազատ եզրը, որը սահմանակից է հեշտոցամուտքին,

• արտաքին (ստորին) հատվածը, որն ուղղված է դեպի հեշտոցամուտք,

• ներքին (վերին) հատվածը՝ ուղղված դեպի հեշտոցի խոռոչ։

Կուսաթաղանթի ազատ եզրը կարող է լինել հարթ կամ ծալված, նույնիսկ՝ ալիքաձև, կարող է ունենալ տարբեր խորությունների մեկ կամ մի քանի անցք:

Կուսաթաղանթի բարձրություն ասելով հասկանում ենք հիմքից մինչև ազատ եզր հեռավորությունը:

• Բարձր կուսաթաղանթն ունի ավելի քան 0,5 սմ բարձրություն,

• Միջինը՝ 0.4-ից 0,5 սմ բարձրություն,

• Ցածրը` 0,4 սմ-ից պակաս բարձրություն: Կուսաթաղանթը հաստ է համարվում, եթե ունի 0.25սմ կամ ավելի հաստություն և բարակ է համարվում` 0.25 սմ-ից պակասի դեպքում:

Առաձգականությունը որոշվում է՝ հաշվի առնելով, թե որքան է չափերով մեծանում կուսաթաղանթի անցքը հատուկ զննման ժամանակ:

Թույլ առաձգականություն ունի այն կուսաթաղանթը, որի անցքի տրամագիծը զննման ընթացքում ընդլայնվում է տվյալ չափիչ գործիքի տրամագծից ընդամենը 0,5 սմ-ով ավելի։

Առաձգական է համարվում, եթե ընդլայնվում է 0,8-1.0 սմ-ով և շատ առաձգական՝ 1,5 սմ-ի դեպքում։ Միևնույն ժամանակ առաձգականությունը կախված է նաև ձգվելուց հետո կուսաթաղանթի՝ իր սկզբնական վիճակին վերադառնալու հատկությունից:

Արտաքին հատվածից կուսաթաղանթը ծածկված է էպիթելի շերտով, որը սկիզբ է առնում փոքր սեռական շուրթերից։ Ներսից այն պատված է նաև հարթ էպիթելերով, բայց այստեղ դրա շերտը երկու անգամ ավելի բարակ է։

Էպիթելային շերտերի միջև ընկած է շարակցական հյուսվածքից կազմված հիմքը՝ կազմված առաձգական, կոլագենային և մկանային մանրաթելերից, որոնցից էլ կախված է կուսաթաղանթի հաստությունն ու առաձգականությունը։ Այստեղ կան նաև նյարդային վերջավորություններ և արյունատար անոթներ:

Մկանային մանրաթելերից է կախված կուսաթաղանթի հաստությունը և առաձգականությունը: Արյան անոթների քանակը և հաստությունն ազդում են կուսաթաղանթի պատռման ժամանակ ի հայտ եկող արյան ծավալի վրա, իսկ նյարդային վերջավորությունները պատասխանատու են դեֆլորացիայի ընթացքում ցավի ուժգնության համար: Կուսաթաղանթի անցքի չափերը՝ կախված աղջկա տարիքից.

• Մինչև 1 տարեկան աղջիկների մոտ կուսաթաղանթը քիչ առաձգական է, իսկ անցքն ունի մինչև 0,5 սմ տրամագիծ:

• 1-3 տարեկան աղջիկների մոտ կուսաթաղանթի անցքի տրամագիծը 0,5 - 0,95 սմ է:

• 4-6 տարեկան աղջիկների 80%-ի մոտ կուսաթաղանթի անցքի տրամագիծը տատանվում է 0.65-ից 1.0 սմ միջակայքում։

• 7-11 տարեկան հասակում՝ 0,55-ից 1.3 սմ:

• 12-15 տարեկան աղջիկների մոտ կուսաթաղանթի բարձրությունը 0,45 սմ է, հաստությունը 0.25 սմ, իսկ անցքի տրամագիծը՝ 2.9 - 3.2 սմ:

• 16-18 տարեկան աղջիկների դեպքում՝ կուսաթաղանթի բարձրությունը 0,6 սմ է, հաստությունը` 0,35 սմ, անցքի տրամագիծը՝ 3,50 սմ:

Կախված կուսաթաղանթի կառուցվածքային տարրերի հարաբերակցությունից՝ այն կարող է լինել 4 տեսակի.

• թույլ (նուրբ, էպիթելային տիպի)

• հաստ (շարակցական հյուսվածք)

• մանրաթելային (լավ զարգացած կոլագենային մանրաթելեր)

• էլաստիկ (մեծ թվով էլաստիկ մանրաթելեր)

Ինչո՞ւ է կարևոր որոշել կուսաթաղանթի տեսակը: Նախ՝ իմանալով կառուցվածքային նրբությունները՝ հնարավոր է հստակ պատկերացում կազմել, թե ինչպես տեղի կունենա դեֆլորացիան:

Կուսաթաղանթի անցքի տրամագծի չափի, դրա ձևի, ինչպես նաև առաձգականության որոշումը մեծ նշանակություն ունի առաջին սեռական հարաբերության ընթացքում իրականացվող դեֆլորացիայի դեպքում, որպեսզի այն հնարավորինս անվտանգ լինի առողջության համար:
 
 Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին


 
 

 
 

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում