Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար: Այդ դեպքում օգնության է գալիս էպիզիոտոմիան՝ վիրաբուժական միջամտություն, որի ընթացքում փոքր կտրվածք է արվում հեշտոցի և անուսի միջև:

Ո՞ր դեպքում է ցուցվում էպիզիոտոմիա

Բժիշկը կարող է օգտվել ընթացակարգից հետևյալ իրավիճակներում.

• երբ երեխան թթվածնի պակաս (հիպոքսիա) ունի,

• պտուղը գտնվում է հետույքային դիրքում՝ ոտքերը կամ հետույքը առաջ,

• կինը հյուծված կամ ջրազրկված է երկարատև ծննդաբերության պատճառով,

• երեխայի ուսերը սեղմված կամ խրված են մոր կոնքի ոսկորի հետևում՝ դիստոցիա,

• պահանջում է վակուումային միջամտություն, որի ժամանակ բժիշկը օգտագործում է հատուկ մեխանիզմ՝ պտուղը ծննդաբերական ուղուց դուրս հանելու համար,

• կինն ունի լուրջ հիվանդություն (օրինակ՝ սրտի հիվանդություն), և անհրաժեշտ է, որ ծննդաբերությունը տեղի ունենա հնարավորինս արագ և առանց բարդությունների,

• պտուղը չափազանց մեծ է,

• ծննդաբերող կինը ենթակա է անուսի կամ միզուկի հատվածի պատռման:

Ի՞նչ պետք է անել հաջող էպիզիոտոմիա ապահովելու համար

Շատ հաճախ էպիզիոտոմիայի համար նախապատրաստություն չկա․ դա նախապես պլանավորած ընթացակարգ չէ: Բայց եթե բժշկի ցուցումով անհրաժեշտ է լինում կտրվածք, ահա թե ինչ պետք է անել.

• տեղեկացնել բժշկին ձեր ընդունած բոլոր դեղամիջոցների մասին,

• տեղեկացնել, եթե դուք ալերգիկ եք դեղերի, լատեքսի նկատմամբ,

• զգուշացնել, եթե ունեք արյունահոսության խանգարումների պատմություն,

• հետևել բժշկի կողմից տրված բոլոր ցուցումներին։

Վերոնշյալ խորհուրդները կօգնեն ձեզ խուսափելու ընթացակարգի ընթացքում հնարավոր բարդություններից:

Ինչպե՞ս է ընթանում միջամտությունը Ծննդաբերության ժամանակ տեղի է ունենում էպիզիոտոմիա։ Բժիշկը նախքան ընթացակարգը կարող է տեղային անզգայացնող միջոց կիրառել: Կտրումը կատարվում է հրելու ժամանակ, երբ հայտնվում է երեխայի գլուխը. այն դեռ դուրս չի եկել, բայց երեխայի ստույգ տեղը արդեն տեսանելի է։

Ի՞նչ սպասել էպիզիոտոմիայից հետո Էպիզիոտոմիայից անմիջապես հետո այն հատվածը, որտեղ կատարվել է կտրվածքը, ուժգին արյունահոսում է, բայց դադարում է կարելուն պես: Կարերը ներծծվում են մեկ ամսվա ընթացքում, սակայն ցավն ու անհանգստությունը տևում են մոտ 2-3 շաբաթ, հատկապես քայլելիս կամ նստելիս։

Բացի այդ, վիրահատությունից հետո մի քանի ամիս կարող է անհանգստություն առաջանալ սեռական հարաբերության ժամանակ: Իսկ կտրվածքի հատվածի ոչ պատշաճ խնամքի պատճառով կարող է առաջանալ վարակ: Միայն այն պատճառով, որ առաջին ծննդաբերության ժամանակ էպիզիոտոմիա է կատարվել, չի նշանակում, որ հաջորդ անգամ կրկին կլինի դրա կարիքը: Հաջորդ ծննդաբերության ժամանակ ամեն ինչ կախված կլինի կնոջ վիճակից և երեխայի դիրքից։ Ինչպե՞ս վերականգնվել էպիզիոտոմիայից հետո վերականգնումը տևում է մի քանի շաբաթ:

Ահա թե ինչ կարող եք անել ավելի արագ ապաքինվելու համար։

• Հոգ տանել կարերի մասին։

Հիմնական կանոնն այն է, որ կարը և դրա շուրջ մաշկը լինեն չոր և մաքուր, ուստի.

• Զուգարան այցելելուց հետո գոլ ջրով լվացում կատարել,

• Զուգարանի թղթի փոխարեն ընտրել մանկական փափուկ անձեռոցիկ կամ մաքուր սրբիչ,

• Սրբել նուրբ շարժումներով՝ առջևից հետ, որպեսզի ճնշում չգործադրվի կարի վրա, կամ այն չձգվի,

• օգտագործել բամբակե միջադիր կամ կտոր և փոխել դրանք յուրաքանչյուր 2-4 ժամը մեկ,

• եթե վերքը հնարավոր չէ չորացնել, փորձել օգտագործել վարսահարդարիչ (ցածր հզորության ռեժիմով)՝ այն պահելով մաշկից առնվազն 20 սմ հեռավորության վրա,

• Ծննդաբերությունից հետո առաջին 6 շաբաթվա ընթացքում բացառել սեռական հարաբերությունը,

• Կանխել փորկապությունը՝ օգտագործելով բժշկի կողմից ցուցված լուծողականներ:

Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին