Ի՞նչ է կոլպոսկոպիան

Կոլպոսկոպիան արգանդի պարանոցի քաղցկեղի ստուգման թեստի տեսակ է: Այն թույլ է տալիս բժշկին մոտիկից դիտել արգանդի պարանոցը: Այն կիրառվում է արգանդի պարանոցի անոմալ բջիջները հայտնաբերելու համար:

Ի՞նչ է տեղի ունենում կոլպոսկոպիայի և բիոպսիայի ժամանակ

Դուք կպառկեք գինեկոլոգիական աթոռի վրա, բժիշկը ձեր հեշտոցում կտեղադրի գործիք, որը կբաժանի հեշտոցի պատերը՝ թույլ տալով զննել արգանդի պարանոցը: Այնուհետև մասնագետը կմաքրի արգանդի պարանոցը քացախանման հատուկ լուծույթով, որը հեշտացնում է անոմալ բջիջների հայտնաբերումը: Այնուհետև բժիշկը կզննի արգանդի պարանոցը կոլպոսկոպի միջոցով՝ գործիք, որը նման է հեռադիտակի՝ վառ լույսով:

Կոլպոսկոպը չի հպվում ձեզ: Եթե ձեր բժիշկը նկատի որևէ խնդիր, ապա կկատարվի բիոպսիա: Սա նշանակում է, որ նրանք կվերցնեն հյուսվածքի մի փոքրիկ նմուշ և կուղարկեն այն լաբորատորիա: Գոյություն ունի բիոպսիայի 2 տեսակ՝ առաջինի դեպքում հյուսվածքը նմուշառում են ձեր արգանդի պարանոցի դրսի հատվածից, երկրորդի դեպքում հյուսվածք են վերցնում ձեր արգանդի պարանոցի բացվածքից:

Երբեմն անհրաժեշտ է լինում մեկից ավելի բիոպսիաների կարիք: Կոլպոսկոպիան և բիոպսիան տևում են ընդամենը 5-10 րոպե:

Ցավո՞տ է արդյոք կոլպոսկոպիան

Կոլպոսկոպիան գրեթե անցավ է: Դուք կարող եք պարզապես թեթև ճնշում և թույլ այրոց զգալ, երբ բժիշկը սկսի մշակել արգանդի պարանոցը հատուկ լուծույթով: Բիոպսիայի դեպքում կարող եք որոշակի անհանգստություն ունենալ: Մարդկանց մեծամասնությունը նկարագրում է այդ զգացողությունը՝ որպես սուր քոր կամ դաշտանային ջղաձգություն: Բիոպսիայից հետո մի քանի օր կարող եք ունենալ թույլ արյունահոսություն կամ մուգ գույնի արտադրություն:

Ի՞նչ պետք է իմանալ նախքան կոլպոսկոպիայի իրականացումը

Կոլպոսկոպիայի պատրաստվելու համար շատ բան պետք չէ անել: Ահա երկու բան, որ կարող եք անել ամեն ինչ հեշտացնելու համար.

• Պլանավորեք կոլպոսկոպիան այն ժամանակ, երբ դուք դաշտան չեք ունենա, կամ երբ արյունահոսությունը թույլ է:

• Մի՛ ունեցեք սեռական հարաբերություն և մի՛ տեղադրեք որևէ բան հեշտոցում կոլպիսկոպիայի իրականացման նախօրեին:
 

Նյութի աղբյուրը

Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին