Կրծքով կերակրման հաջողության կարևորագույն պայմաններից մեկը ճիշտ դիրքն է։ Ճիշտ դիրքավորումը ապահովում է երեխայի արդյունավետ կցումը , կանխում է կրծքի ցավն ու պտուկների վնասումները և նպաստում է կաթի լիարժեք ստացմանը։

Հիմնական սկզբունքներ
Անկախ դիրքից՝ կարևոր է պահպանել հետևյալ կանոնները․

• Երեխայի մարմինը պետք է լինի ուղիղ գծով՝ գլուխը, ուսերը և կոնքը նույն ուղղությամբ
• Երեխայի փորիկը՝ ուղղված դեպի մայրը 
• Երեխայի բերանը պետք է ընդգրկի ոչ միայն պտուկը, այլ նաև արեոլայի մեծ մասը
• Մոր դիրքը պետք է լինի հարմար՝ առանց լարվածության

Ամենատարածված դիրքերը
 Օրորոցի դիրք 

• Երեխայի գլուխը մոր ձեռքի վրա է
• Հարմար է արդեն փորձ ունեցող մայրերի համար
• Ամենաբնական և հաճախ օգտագործվող դիրք

Ֆուտբոլային դիրք 

• Երեխան գտնվում է մոր կողքի տակ՝ թևի տակ
• Հարմար է կեսարյան հատումից հետո
• Օգտակար է նաև երկվորյակների դեպքում 

Խաչաձև օրորոցի դիրք 

• Մայրը հակառակ ձեռքով է պահում երեխայի գլուխը
• Ավելի լավ վերահսկում է կցումը
• Հատկապես օգտակար է նորածինների դեպքում

Կողային դիրք 

• Մայրը և երեխան պառկած են կողքի վրա
• Հարմար է գիշերային կերակրումների համար
• Օգնում է մորը հանգստանալ

Սխալ դիրքի նշաններ

• Ցավ կամ անհարմարություն կերակրման ընթացքում
• Երեխայի հաճախակի պոկվելը կրծքից
• Ծլծլոց կամ օդ կուլ տալու ձայներ
• Պտուկների ցավ կամ ճաքեր

Գործնական խորհուրդներ

• Փորձել տարբեր դիրքեր և ընտրել առավել հարմարը
• Օգտագործել բարձեր՝ աջակցման համար
• Չթեքվել դեպի երեխա, այլ երեխային մոտեցնել կրծքին
• Դիմել մասնագետի, եթե կցումը դժվար է

Կրծքով կերակրման ճիշտ դիրքը հանդիսանում է հաջող կերակրման հիմքը։ Այն ապահովում է ոչ միայն երեխայի բավարար սնուցումը, այլև պաշտպանում է մոր առողջությունը՝ կանխելով բարդությունները։