Ճի՞շտ է, որ հղիությունից հետո կինը «անպայման» պետք է գիրանա
33663
Երեխայի ծնունդը մեծագույն բերկրանք է ցանկացած կնոջ համար: Հաճախ ծննդաբերությունից հետո նկատվող ավելորդ քաշն անհանգստացնում է շատերին: Ոմանք հուսահատվում են՝ կարծելով, որ այլևս չեն ունենա նախկին բարակիրան կազմվածքը, և անգամ դեռևս չամուսնացած կամ մայրանալ պատրաստվող կանանց շրջանում կարծես կարծրատիպ է դարձել այդ գաղափարը:
Արդյո՞ք ճիշտ է, որ հղիությունից հետո կինը «անպայման» պետք է գիրանա:
Իրականում ոչ, այդպես չէ: Քաշի որոշակի ավելացում լինում է, սակայն նվազում է հղիությունից անմիջապես հետո: Դա բացատրվում է օրգանիզմում կատարվող տարբեր փոփոխություններով. ավելորդ հեղուկը դուրս է գալիս օրգանիզմից, հորմոնալ համակարգն սկսում է վերափոխվել: Եթե հղիությունից հետո նկատվում է քաշի զգալի աճ, օրգանիզմում այլ խանգարումներ են առաջանում, ապա դա կարող է պայմանավորված լինել հետծննդաբերական շրջանում էնդոկրին՝ հորմոնալ համակարգի խանգարմամբ կամ այլ խնդրով: Նման դեպքերում խորհուրդ է տրվում դիմել բժշկի:
Հարգելի կանայք, եթե ծննդաբերությունից հետո առողջ սննդակարգ պահպանեք և առողջ ապրելակերպ վարեք, ապա կխուսափեք ավելորդ կիլոգրամների կուտակումից և բացասական զգացումներից:
Նմանատիպ նյութեր
Ճի՞շտ է, որ դեմքի կորյակները վկայում են սեռական օրգանների նորմալ գործունեության խախտման մասին
Ճի՞շտ է, որ «չամուսնացած աղջիկները» չպետք է ինտիմ լվացման միջոցներ օգտագործեն
Ճի՞շտ է, որ հղիության ընթացքում մազերը ներկելը, շպարն ու եղունգի լաքը վնասում են պտղին
Ճի՞շտ է, որ պտղի սեռը հնարավոր է որոշել՝ ելնելով հղի կնոջ փորի ձևից
Ճի՞շտ է, որ ծննդաբերությունը բոլորի դեպքում էլ ուղեկցվում անդիմադրելի ցավով
