Պելվիոպերիտոնիտը տեղային սահմանափակ պերիտոնիտ է, որն առաջանում է որպես երկրորդային հիվանդություն լուրջ կամ թարախային սալպինգիտի և արգանդափողերի ու ձվարանների թարախային գոյացությունների, պիովարեի, պիոսալպինքսի դեպքում։

Ախտածագումը

Պելվիոպերիտոնիտի հարուցիչը հաճախ գոնոկոկն է լինում, ինչպես նաև մանրէային ասոցիացիաները, որոնք ներառում են աէրոբ և անաէրոբ ֆլորա, քլամիդիաներ, միկոպլազմաներ։ Գործոնները, որոնք նպաստում են վարակի ներթափանցմանը փոքր կոնքի խոռոչ, ներառում են արգանդի պերֆորացիա, արգանդափողերի հիդրո- և պերտուբացիա, մետրոսալպինգոգրաֆիա, հղիության ընդհատման նպատակով արգանդի խոռոչ ներմուծած քիմիական նյութեր։ Տարբերում են լուրջ-ֆիբրոզային և թարախային պելվիոպերիտոնիտ։

Ախտանշանները

Պելվիոպերիտոնիտի դեպքում որովայնի ստորին հատվածում սուր ցավ է ի հայտ գալիս, մարմնի ջերմաստիճանը բարձրանում է մինչև 38-39°С, առաջանում է սրտխառնոց և փսխում։ Որովայնը չի մասնակցում շնչառության գործընթացին,աղիների գալարակծկանքը թուլանում է։ Դիտվում է լեյկոցիտոզ, ԷՆԱ-ի կտրուկ մեծացում։ Գինեկոլոգիական հետազոտությունը դժվարանում է որովայնի առաջնապատի խիստ ցավի և մկանների լարվածության պատճառով։

Ախտորոշումը

• Կյանքի անամնեզ։ 
• Ընդհանուր հետազոտություն։ 
• Գինեկոլոգիական հետազոտություն։ 
• Արյան ընդհանուր հետազոտություն։ 
• Որովայնի խոռոչի ասեղնածակում հեշտոցի հետին կամարի միջով։ 
• Փոքր կոնքի օրգանների ՈւՁՀ։ 

Բուժումը

Բուժումը կազմակերպվում է սուր սալպինգոօֆորիտի բուժման ընդհանուր սկզբունքների համանմանությամբ և կախված է պելվիոպերիտոնիտի աստիճանից։ Սկզբնական փուլում այն ուղղված է բորբոքային պրոցեսի սահմանափակմանը՝ պառկած ռեժիմ, որովայնի ստորին հատվածի սառեցում (սառը ջեռակ)։

Նշանակվում է դեղորայքային թերապիա՝

• հակաբիոտիկներ (հաշվի է առնվում հարուցչի տեսակը և նրա զգայունակությունը հակամանրէային դեղորայքի հանդեպ), 
• դեզինտոքսիկացիա՝ ինֆուզիոն-տրանսֆուզիոն թերապիա, 
• հակահիստամինային դեղորայք, 
• հակաբորբոքային դեղամիջոցներ,
• վիտամիններ, 
• հնարավոր է արյան ուլտրամանուշակագույն ճառագայթում, 
• որովայնի խոռոչի ասեղնածակում հեշտոցի հետին կամարի միջով, 
• վիրահատական բուժում (ցուցված է, եթե պելվիոպերիտոնիտն ընթանում է պիոսալպինքսի, պիովարի, փողաձվարանային աբսցեսի ֆոնին)։ 

 

Աղբյուրը՝ Практическая гинекология Лихачев В.К. 2007 г.
Թարգմանությունը՝ sotskiy.am