Կիտրոնի օգտակարության մասին գիտեն բոլորը, սակայն թե կոնկրետ ինչ հատկություններով է օժտված, դժվարանում են ասել։

Կիտրոնի հայրենիքը համարվում է հարավարևելյան Ասիան, որտեղից այն տարածվել է ամբողջ աշխարհով մեկ։ Այն օգտագործում են տարատեսակ ուտեստներ, ըմպելիքներ, քաղցրավենիք ու սոուսներ պատրաստելիս։ Կիրառվում է նաև բուժման և կոսմետիկ նպատակներով։

Կիտրոնը մեծ քանակությամբ օրգանական թթուներ, շաքար, բջջանյութ, ֆլավոնոիդներ, ֆիտոնցիդներ, եթերային յուղեր է պարունակում, B խմբի, ինչպես նաև A, C, E, P վիտամիններ, մակրոտարրեր և միկրոտարրեր՝ կալիում, երկաթ, նատրիում, մագնիում, մոլիբդեն, բոր, ֆտոր և հանքային այլ նյութեր։ Ընդ որում վիտամին C-ի քանակությունն ավելի քիչ է, քան նարինջում, թուրինջում, բուլղարական բիբարում, մասուրում և սև հաղարջում։

Կիտրոնի կալորիականությունը

100գր կիտրոնի կալորիականությունը 30 կկալ է։

Օգտակար հատկությունները

Կիտրոնը նպաստում է իմունային համակարգի ամրապնդմանը, հարբուխի կանխարգելման հրաշալի միջոց է։

Բարենպաստ ազդեցություն է թողնում սրտանոթային համակարգի վրա, ամրացնում է սրտամկանը, խորհուրդ է տրվում օգտագործել աթերոսկլերոզի դեպքում։

Լավ է ազդում գլխուղեղի և նյարդային համակարգի աշխատանքի վրա, օգնում է կարգավորել քունը։

Կարգավորում է մարսողական համակարգի աշխատանքը, նպաստում է թթվայնության նվազմանը, լավացնում է լյարդի աշխատանքը, օգնում է օրգանիզմից դուրս հանել խարաններն ու թունավոր նյութերը, օգնում է լուծել փորկապության խնդիրը։

Կիտրոնն օժտված է միզամուղ ազդեցությամբ, նպաստում է միզապարկի և երիկամային քարերի տարրալուծմանը։

Հղիության ընթացքում կարող է օգնել հաղթահարել տոքսիկոզը։

Խորհուրդ է տրվում օգտագործել ռևմատիզմ և ռադիկուլիտ ունեցող մարդկանց։

Օգնում են ամրացնել եղունգները և ոսկորները։

Կանոնավոր օգտագործման դեպքում կիտրոնն օգնում է դանդաղեցնել ծերացման պրոցեսը և օժտված է երիտասարդացնող հատկությամբ։

Հակացուցումները

Կիտրոնը հակացուցված է խոցային հիվանդության դեպքում։ Ստամոքսաղիքային այլ հիվանդությունների դեպքում նախքան օգտագործումը հարկավոր է խորհրդակցել բժշկի հետ, քանի որ այն կարող է նաև ալերգիկ սուր ռեակցիա առաջացնել։

 

Թարգմանությունը և խմբագրումը՝ sotskiy.am-ի