Սնունդը հղիության ընթացքում

 Սխալ սննդակարգը կարող է հանգեցնել՝

• այտուցների, սրտխառնոցի առաջացման,
• զարկերակային ճնշման բարձրացման,
• արյան շրջանառության խախտման և այլն:

Ահա այն երեք մթերքները, որոնք կկանխեն վերոնաշյալ երևույթների առաջացումը, քանի որ դրանք անփոխարելի են ապագա մայրիկի համար:

 

1. Ճագարի միս: Ճագարի միսն անփոխարինելի է, քանզի պարունակում է ավելի շատ սպիտակուց (21,5 %), քան թռչնամիսը կամ տավարի միսը:
 Ահա սպիտակուցի գործառույթները։

• Կառուցողական գործառույթ՝ սպիտակուցը նոր բջիջներ ստեղծելու հիանալի միջոց է:
• Էներգետիկ գործառույթ՝ սպիտակուցներն օրգանիզմին հաղորդում են էներգիա

։
• Փոխադրող գործառույթ՝ սպիտակուցներն օրգանիզմին փոխանցում են սննդարար նյութեր:

Հարկ է նշել, որ ճագարի մսում պարունակվում է չափազանց քիչ խոլեստերին, այն նաև հիպոալերգիկ է: Անհրաժեշտ է օգտագործել օրական 100 գրամ:

 

2. Կաթնաշոռ: Կաթնաշոռը կալցիումի աղբյուր է, որն էլ ոսկրային հյուսվածքի ձևավորման ամենակարևոր տարրն է: Հղի կնոջ օրգանիզմում կալցիումի պակասը կարող է հանգեցնել՝

• ապագա երեխայի ոսկորների ձևավորման խանգարումների,
• հղի կնոջ դեպքում օստեոպորոզի առաջացման:

Կալցիումի սովորական չափաբաժնի փոխարեն հղի կինը պետք է ստանա երկու անգամ ավելի շատ կալցիում: Օրական 100-150 գրամ կաթնաշոռը լիովին բավարար է: 

Կարևոր է իմանալ, որ կմախքի ոսկորներից բացի մարդու օրգանիզմում կան նաև լսողական ոսկորներ, որոնց շնորհիվ մարդը լսում է: Եթե հղիության առաջին երեք ամսիներին հղի կինն ունեցել է կալցիումի անբավարարություն, ապա հավանականություն կա, որ երեխան խուլ կծնվի:

 

3. Բրոկոլի: Բրոկոլիի ամենագլխավոր արժեքը վիտամիններն են: Բրոկոլին B9 վիտամինի կամ ֆոլաթթվի աղբյուր է, որը հատկապես կարևոր է պտղի ձևավորման վաղ փուլերում, երբ ձևավորվում է նյարդային հյուսվածքը: B9 վիտամինը իրենից ենթադրում է սնուցում և թթվածին: Սակայն, որ ամենակարևորն է, ֆոլաթթուն անհրաժեշտ է թթվածնի փոխանակման համար պատասխանատու էրիթրոցիտների հասունացման համար: Անհրաժեշտ է օգտագործել օրական ամենաքիչը 600 գրամ բրոկոլի: