Բազուկ (ճակնդեղ). օգտակար և վնասակար հատկությունները

Մենք շատ քիչ բան գիտենք բազուկի օգտակար և վնասակար հատկությունների մասին:
Թեև դեռևս հնագույն ժամանակներից մարդկությանը հայտնի է եղել այս բանջարեղենի օգտակարության մասին: Ժամանակակից գիտնականները ոչ միայն հաստատեցին իրենց նախորդների դիտարկումները, այլև ապացուցեցին, որ բազուկը եզակի, անփոխարինելի բանջարեղեն է մարդու սննդակարգում:

Բազուկի օգտակարությունը պայմանավորված է հետևյալ երկու հատկություններով: Նախ բազուկը ունի տարրերի եզակի շարք, որը ոչ մի այլ բանջարեղեն չունի, երկրորդ՝ բազուկը նույնիսկ եփած վիճակում է օգտակար, քանի որ պարունակում է մեծ քանակությամբ պիտանի նյութեր, որոնք պատրաստման ժամանակ չեն ոչնչանում:
Բազուկը օգտակար է խրոնիկ փորկապության ժամանակ: Մանրաթելերի, օրգանական թթուների և այլ տարրերի շնորհիվ այն կարգավորում է նյութափոխանակության գործընթացները, ուժեղացնում է աղիքային շարժունակությունը: Այն աղիքները մաքրող հիանալի միջոց է:
 
Բազուկը օգտակար է ճարպակալման և լյարդի հիվանդությունների բուժման համար, քանի որ պարունակում է մեծ քանակությամբ բետանին, որը կարգավորում է ճարպային նյութափոխանակությունը, բարելավում է լյարդի աշխատանքը և բարձրացնում է արյան ճնշումը:
 Բազուկը պարունակում է մագնեզիում, որը նպաստում է աթերոսկլերոզի, հիպերտոնիայի բուժմանը: Այն օգտակար է փորկապության և դեպրեսիայի ժամանակ, ունի ցավազրկող և հակաբորբոքայի հատկություն, հրաշալի միզամուղ է:
 Բազուկը օգտակար է արյան առողջ ձևավորման համար․ բաղկացած է միկրոտարրերից, որոնք պատասխանատու են արյան կազմի համար: Մարդիկ, ովքեր իրենց սննդակարգում պարբերաբար ընդգրկում են բազուկ, հազվադեպ են անեմիա ունենում:
 Բազուկը անհրաժեշտ է նաև հղի կանանց, քանի որ մեծ քանակությամբ ֆոլաթթու է պարունակում: Իսկ ինչպես գիտենք, ֆոլաթթուն առանցքային նշանակություն ունի հղիության պլանավորման և առաջին եռամսյակի ժամանակ: Այն նպաստում է պտղի նյարդային համակարգի ձևավորմանը, բացի այդ հղիության ընթացքում հաճախ են պատահում փորկապության դեպքեր, իսկ բազուկը օգտակար է խրոնիկ փորկապության ժամանակ:
 Բազուկը հատկապես օգտակար է վահանաձև գեղձի (յոդի անբավարարության) հիվանդությունների և աթերոսկլերոզով տառապող տարեցների համար, քանի որ պարունակում է մեծ քանակությամբ յոդ։
    Ընթերցեք նաև՝  Կաղամբի պգտակար և վնասակար հատկությունները

Կա կարծիք, որ բետանինը խանգարում է չարորակ ուռուցքների զարգացմանը, և այն փաստը, որ բազուկը հզոր էներգետիկ է, հաստատվել է երկար տարիների հետազոտությունների արդյունքում:
Բազուկը ցածր կալորիականությամբ բանջարեղեն է․ այն արդյունավետ է նաև քաշի նվազեցման համար:
 
Բազուկի վնասակար հատկությունները

 Բազուկը վնասակար չէ, սակայն ունի կիրառման սահմանափակումներ, որոնք պայմանավորված են նրա քիմիական կազմով:
 Բազուկը խոչընդոտում է կալցիումի ներծծմանը, այդ իսկ պատճառով օստեոպորոզով տառապող հիվանդներին խորհուրդ չի տրվում օգտագործել այն:
 Բազուկը պարունակում է մեծ քանակությամբ շաքար, այդ իսկ պատճառով հակացուցված է դիաբետիկներին:
 Միզաքարային հիվանդությունների դեպքում այն ևս հակացուցված է: Համացանցում կարող եք գտնել  ժողովրդական բժշկության առաջարկած բազմաթիվ բաղադրատոմսեր բազուկի հյութով՝ երիկամների և միզապարկի հիվանդությունները բուժելու վերաբերյալ: Ոչ մի դեպքում չի կարելի օգտվել այդ բաղադրատոմսերից, քանի որ բազուկը պարունակում է մեծ քանակությամբ թթուներ, որոնք հակացուցված են վերոհիշյալ հիվանդությունների դեպքում:
 
Բազուկը չի կարելի օգտագործել նաև փորլուծության ժամանակ:
 
Աղբյուրը