Հղիության 33-րդ շաբաթ
127854
Երեխան շարունակում է զարգանալ։ Այդ շրջանի հավանական խնդիրներից են՝ փորկապություն, մարսողության խանգարում, լնդերի արնահոսություն, գլխացավ, մեջքի ցավ, վարիկոզ, ծայրանդամների նոպաներ, կաթնախեժի արտահոսք։ Իմացեք, սակայն, որ ոչ բոլոր կանայք են ունենում այդ խնդիրները։
Կարդացեք՝ Ցավ հղիության ընթացքում․ ե՞րբ անհանգստանալ
Պտղի զարգացումը
Պտղի երկարությունը հասնում է 42 սմ-ի, մարմնի զանգվածը`2000-2200գ: Պտղի աճման արագությունը դանդաղում է: Շարունակվում է լցվել ենթամաշկային ճարպաշերտը: Մաշկային ծածկույթների երանգն ավելի է բացվում:
Ի հայտ է գալիս աչքը բոլոր ուղղություններով շարժելու ունակությունը և տեսողական ուշադրությունը: Մարմնի ամբողջ մակերեսը դառնում է զգայուն: Մոր օրգազմի ընթացքում պտղի սրտի աշխատանքի փոփոխություներ են գրանցվում: Շարունակում է զարգանալ իմունային համակարգը:
