Ինչու են մարդիկ գիրանում 40 տարեկանից հետո 

Ինչու են մարդիկ գիրանում 40 տարեկանից հետո 
Որոշ մարդիկ սկսում են գիրանալ 40 տարեկանից հետո՝ չնայած այն հանգամանքին, որ սննդակարգն ու ֆիզիկական ակտիվությունը չեն փոխվում: 
Նույնիսկ եթե դեռ ակտիվ եք, մարմնում ծերացման գործընթացն արդեն սկսվել է. դանդաղում է նյութափոխանակությունը, նվազում է մկանների զանգվածի և որոշ հորմոնների քանակը, որոնք կարևոր են լավ կազմվածքի համար: Հիմա կվերլուծենք ավելորդ քաշի առաջացման պատճառները և կպարզենք՝ ինչ անել: 
Նյութափոխանակությունը դանդաղում է 
40 տարեկանից հետո  բազային նյութափոխանակության մակարդակը նվազում է 3.1-3.3 % -ով: Սա նշանակում է, որ հանգստացող մարմինը օրական այրում է 50-60 կկալ պակաս: Թվում է, թե դա շատ  չէ, բայց եթե չփոխեք ձեր ֆիզիկական գործունեության մակարդակը և սովորական սննդակարգը, կարող եք մեկ տարվա ընթացքում երեք կգ քաշ հավաքել: 
Ինչ անել  
Դուք պետք է վերանայեք ձեր սննդակարգը և նվազեցնեք կալորիաների ընդունումը: Եթե ցանկանում եք նիհարել, կրճատեք  ածխաջրերը, հաշվեք ձեր  կալորիաները և աշխատեք չանցնել  ամենօրյա չափաբաժինը: 
Հիշեք, որ նույնիսկ փոքր փոփոխությունները երկարաժամկետ հեռանկարում հանգեցնում են զգալի արդյունքների: Դիետան 60-100 կիլոկալարիայով կրճատելով և ձեր սնունդն ավելի առողջ դարձնելով՝ ամուր հիմք կդնեք, որ գալիք տարիներին առողջ լինեք և պահպանեք կազմվածքը: 
Կորցրած մկանների զանգվածը 
50 տարեկանից հետո մկանների զանգվածը շատ արագ նվազում է՝ տարեկան 15 %: Այնուամենայնիվ, մկանների և ուժի կորստի գործընթացը սկսվում է երեսուն տարեկանից հետո: 
Տարիքի հետ կապված փոփոխություններ, ֆիզիկական գործունեության բացակայություն, տեստոստերոնի մակարդակի նվազում. այս ամենը բացասաբար է ազդում մկանների զանգվածի քանակի վրա, և իրականում մարմինը շատ կալորիաներ է ծախսում դրա պահպանման համար: Կորցնելով մկանները՝ դուք հետագայում նվազեցնում եք նյութափոխանակությունը և մեծացնում ավելորդ կիլոգրամներ հավաքելու հնարավորությունը: 
Ինչ անել 
Եթե դեռ սպորտով չեք զբաղվել, հիմա սկսելու ժամանակն է: Ուժային վարժությունները, զուգորդված սպիտակուցների մեծ քանակի ընդունմամբ, կօգնեն ձեզ պահպանելու և մեծացնելու մկանների զանգվածը: 
Հորմոնալ ֆոնը փոխվում է 
35 տարեկանից հետո կանանց մոտ նկատվում է էստրոգենի արտադրության նվազում, ինչը, ի վերջո, հանգեցնում է դաշտանադադարի: Եվ չնայած էստրոգենի ավելցուկը նպաստում է ճարպի պահեստավորմանը,  էստրոգենի պակասը նույնպես վնասակար է քաշի համար: 
Տղամարդկանց մոտ տեստոստերոնի մակարդակը 30-ից հետո նվազում է, բայց դա հատկապես նկատելի է դառնում 40 տարեկանից հետո: Ընկճախտը, լիբիդոյի նվազումը, մկանների զանգվածի կորուստը և մարմնի ճարպի ավելացումը տեստոստերոնի մակարդակի իջեցման նշաններ են: 
Ինչ անել 
Ստուգեք ձեր վահանաձև գեղձը՝ օրգան, որն անմիջական մասնակցություն ունի հորմոնի արտադրության մեջ: 40-ից բարձր կանանց մոտ 20 %-ը տառապում է վահանաձև գեղձի խնդիրներից: Եթե առանց որոշակի պատճառի ձեզ թույլ եք զգում և գիրանում, դիմեք ձեր բժշկին, որպեսզի անցնեք հորմոնալ հավասարակշռության թեստ: Միգուցե հորմոնալ թերապիան կարող է օգնել ձեզ խուսափելու քաշի ավելացումից: Բացի այդ, տեստոստերոնը խթանելու բնական եղանակներ կան՝ ուժային մարզում, բարձր սպիտակուցային դիետա՝ առանց շաքարի և  սթրեսի բացակայություն: 
40 տարեկանից հետո կարող եք պահպանել լավ ֆիզիկական կազմվածք, հատկապես եթե առողջ սննդակարգը և ֆիզիկական վարժությունները ձեր առօրյայի մի մասն են: Եվ մինչ ժամանակը ձեր դեմ է, դուք կարող եք 40-ում ավելի լավ տեսք ունենալ, քան 30-ում:
 
Աղբյուրը
Կանացի անպտղություն. թաքնված պատճառները և մայրության ուղիները

Կանացի անպտղություն. թաքնված պատճառները և մայրության ուղիները

Կանացի անպտղությունը, ցավոք, հազվադեպ չէ ժամանակակից աշխարհում։ Սակայն այս ախտորոշման հետևում թաքնված է ոչ թե դատավճիռ, այլ բարդ հանելուկ, որը պետք է լուծել

Ինչպե՞ս թեթևացնել քթի այտուցը առանց անոթները նեղացնող կաթիլների

Ինչպե՞ս թեթևացնել քթի այտուցը առանց անոթները նեղացնող կաթիլների

Եթե քթի այտուցը առաջացել է վնասվածքի կամ վերջին ժամանակներում կատարված վիրահատության պատճառով, հարկավոր է անպայման խորհրդակցել բժշկի հետ:

Ջերմային հարված. ինչ անել, եթե շոգից աչքերը մթագնում են, և առաջանում է սրտխառնոց

Ջերմային հարված. ինչ անել, եթե շոգից աչքերը մթագնում են, և առաջանում է սրտխառնոց

Ջերմային հարվածը գերտաքացումն է: Դա տեղի է ունենում, երբ մարմինը ինչ-ինչ պատճառներով չի կարողանում սառչել, այսինքն՝ վերադառնալ առողջ ջերմաստիճանի

Ինչպե՞ս տարբերակել մագնեզիումի պակասը և ի՞նչ անել դրա դեմ

Ինչպե՞ս տարբերակել մագնեզիումի պակասը և ի՞նչ անել դրա դեմ

Մագնեզիումը նյութափոխանակության ամենակարևոր «շարժիչներից» է