Ինչո՞ւ է վատանում տեսողությունը հղիության ընթացքում

Ինչո՞ւ է վատանում տեսողությունը հղիության ընթացքում

 Հղիության ընթացքում կնոջ մոտ փոփոխվում է հորմոնալ ֆոնը, մեծանում է սրտանոթային համակարգի ծանրաբեռնվածությունը, ինչն էլ ազդում է աչքաբիբերի արյան շրջանառության վրա:

Հղիության ֆիզիոլոգիական ընթացքի ժամանակ պաթոլոգիաների բացակայության դեպքում չեն փոփոխվում ո՛չ տեսողության սրությունը, ո՛չ էլ  կարճատեսության աստիճանը: Բայց եթե առկա են տեսողության պաթոլոգիաներ, այլ օրգանների հիվանդություններ կամ հղիությունն ունի բարդ ընթացք, ապա առաջանում  են տեսողության հետ կապված խնդիրներ:

Հղիության ընթացքում տեսողության վատթարացման ախտանիշներ

• Ապագա մայրիկը կարող է գանգատվել աչքերում առկա այրոցի, չորության, օտար մարմնի առկայության զգացողություններից և կոնտակտային ոսպնյակների կրման անհարմարությունից։ Դա պայմանավորված է հորմոնալ ֆոնի փոփոխմամբ, որի դեպքում կրճատվում է արցունքագեղձի արտազատումը: Առաջանում է

Մեյբոմյան գեղձերի դիսֆունկցիա, որը բնորոշ է  «չոր աչքի» ախտանիշին։ Ակնաբույժին դիմելու դեպքում կնշանակվեն արցունքափոխարինիչ կաթիլներ կամ կկատարվի տեսողական շտկում՝ կոնտակտային ոսպնյակներ կրելու փոխարեն:

• Կնոջը կարող է հուզել աչքերի շուրջ առաջացած հիպերպիգմենտացիան (խլոազմա), որը կապված է նաև հորմոնալ ֆոնի հետ: Այս երևույթը բուժում չի պահանջում և  ինքնուրույն անհետանում է ծննդաբերությունից հետո:

• Որոշ հղիներ գանգատվում են տեսողության վատթարացումից: Դա պայմանավորված է նրանով, որ մարմնիհյուսվածքներում առաջանում է հեղուկի կուտակում՝ ներառյալ եղջերաթաղանթը և ոսպնյակները:

Արդյունքում ձևափոխվում են դրանց հաստությունն ու կառուցվածքը, ինչն  էլ ազդում է կարճատեսության կամ աստիգմատիզմի արտահայտվածության աստիճանի վրա։ Սովորաբար այդ փոփոխությունները անցնում են ծննդաբերությանը հաջորդող 2-3 ամիսների ընթացքում: Ահա, թե ինչու հղիության ընթացքում լազերային ռեֆրակցիոն շտկում չի կատարվում:

Որքա՞ն հաճախ է պետք այցելել ակնաբույժին հղիության ընթացքում:

Անկախ նրանից տեսողության հետ կապված խնդիրներ ունեք, թե ոչ, անհրաժեշտ է ակնաբույժին այցելել հղիության 10-14-րդ շաբաթականների ընթացքում՝ որոշելու տեսողական համակարգի վիճակը` հղիության և ծննդաբերության ընթացքում հնարավոր բարդություններից խուսափելու համար:

Աչքի հատակի զննման կարևորությունը հղիության ընթացքում։

Ցիկլոպլեգիայի օգնությամբ աչքի հատակի զննման ժամանակ որոշվում է անոթների վիճակը։ Նրանց փոփոխության աստիճանը որոշելով՝ հնարավոր է կռահել հղիության ընթացքը բարդացնող հիվանդությունների բարդության աստիճանը. հիպերտոնիկ հիվանդություն, շաքարախտ, բրոնխիալ ասթմա, ներգանգային ճնշման բարձրացման հետ կապված հիվանդություններ, հղիության ընթացքում սրված գեստոզ, երիկամային անբավարարություն և այլն...