Ինչպե՞ս ամրացնել անոթները

Ինչպե՞ս ամրացնել անոթները


Ինչպե՞ս են անոթներ գործում և ինչո՞ւ է անհրաժեշտ ամրացնել դրանք։

Անոթների հիմնական խնդիրը արյան մատակարարումն է օրգաններին և հյուսվածքներին: Ահա երկու պատճառ՝ անոթների առողջության մասին հոգ տանելու համար։

• Որպեսզի դրանք չխցանվեն։

Արյան անոթների պատերը ներսից պատված են հատուկ բջիջներով՝ էնդոթելիումներով: Այն գործում է որպես թափանցիկ պատնեշ՝ թույլ տալով որոշակի նյութերի, ինչպիսիք են ջուրը և լուծարված տարրերը, ներթափանցել արյան հոսքից դեպի շրջապատող հյուսվածքներ և ետ: Միևնույն ժամանակ, այս ֆիլտրն արգելափակում է ավելի մեծ մոլեկուլների՝ տոքսինների մուտքը:

Առողջ էնդոթելիումը ոչ միայն ամբողջական է, այլև ունի հարթ և առաձգական մակերես: Եթե ինչ-ինչ պատճառներով հյուսվածքը վնասված է, ապա վնասված հատվածում արյունն անմիջապես կուտակվում է:

Արդյունքում ձևավորվում է փոքրիկ թրոմբ, որի խնդիրն է ծածկել վնասվածքը և թույլ տալ անոթին վերականգնվել։

Մի տեսանկյունից՝ թրոմբն անհրաժեշտ է, մյուս տեսանկյունից էլ՝ այն խոչընդոտում է արյան հոսքին։Նույնպիսի խոչընդոտ կարող է հանդիսանալ նաև անոթների պատերին կուտակված խոլեստերինը։

Խոչընդոտները ոչ միայն դժվարացնում են արյան հոսքը, այլև քայքայում են անոթների պատերը: Սա հանգեցնում է այլ միկրովնասվածքների և բորբոքումների, ինչպես նաև նոր թրոմբների առաջացման և արյան շրջանառության խանգարումների:


• Որպեսզի պահպանեք դրանց առաձգականությունը։

Առողջ անոթներն ընդլայնվում կամ նեղանում են՝ կախված արյան ծավալից։

Եթե անոթները չեն հասցնում ընդլայնվել, ապա սիրտը կիրառում է լրացուցիչ ջանքեր՝ նրանց միջոցով արյունը մղելու համար: Սա հանգեցնում է սրտի ծանրաբեռնված աշխատանքի, իսկ անոթները, որոնք չեն հասցրել ընդլայնվել, կարող են վնասվել՝ առաջացնելով թրոմբներ։

Ինչո՞ւ են թուլանում անոթները։

Կան տարբեր գործոններ, որոնք վնասում են էնդոթելիումը և նվազեցնում անոթների առաձգականությունը: Ահա դրանցից ամենատարածվածները.

• Ցածր ֆիզիկական ակտիվությունը,

• Ավելորդ քաշը,

• Արյան բարձր ճնշումը,

• Արյան մեջ շաքարի բարձր մակարդակը,

• Արյան մեջ վատ խոլեստերինի բարձր մակարդակը,

• Ծխելը,

• Նստակյաց աշխատանքը կամ կենսակերպը։


Ինչպե՞ս բարձրացնել անոթների առաձգականությունը։

Որպեսզի անոթները երկար ժամանակ մնան ամուր, մաքուր և առաձգական, անհրաժեշտ է հոգալ առողջության մասին. կանոնավոր այցելել բժշկի և վարել առողջ կենսակերպ։

• Հարկավոր է սննդակարգում ներառել հնարավորինս շատ միրգ ու բանջարեղեն։ Դրանք հարուստ են C,K և E վիտամիններով, որոնք անհրաժեշտ են ձեր անոթների պատերի ամրության ու առաձգականության համար:

• Փորձեք շատ տեղաշարժվել, քանի որ ֆիզիկական ակտիվությունը կարևոր է սրտանոթային համակարգի համար: Օրվա ընթացքում անպայման շատ քայլեք, վազեք՝ չափավոր տեմպով, հաճախեք լողի, հեծանիվ կամ չմուշկ վարեք:


Եթե ստիպված եք շատ նստել կամ կանգնել, ապա 30 րոպե ընդմիջումներով փորձեք քայլել և մի փոքր մարզվել:

• Հնարավորինս շատ ջուր խմեք։ Ջուրը նոսրացնում է արյունը և ապահովում է նրա ազատ հոսքը անոթներով՝ թույլ չտալով անոթներին ծանրաբեռնվել: Օրգանիզմը ջրազրկումից պաշտպանելու համար մասնագետները կանանց խորհուրդ են տալիս օրական խմել մոտ 2,7 լիտր հեղուկ, իսկ տղամարդկանց` մոտ 3,7 լիտր:

• Վերահսկեք արյան ճնշումը: Ցածր ճնշումը կարող է արյան շրջանառության հետ կապված խնդիրներ առաջացնել՝ հանգեցնելով անոթների պատերի վնասվածքների: Եթե նկատում եք, որ Ձեր ճնշումը հաճախ է իջնում կամ բարձրանում, ապա դիմեք բժշկի:

 

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին

Ի՞նչ կլինի, եթե երկար ժամանակ նստեք զուգարանակոնքին

Ի՞նչ կլինի, եթե երկար ժամանակ նստեք զուգարանակոնքին

Զուգարան գնալու ժամանակահատվածը կրճատելու համար նախ հարկավոր է հեշտացնել գործընթացը. նստե՛ք այնպես, որ ծնկները բարձր լինեն ազդրերից:

Ի՞նչ անել, եթե ականջը այտուցվել է

Ի՞նչ անել, եթե ականջը այտուցվել է

Եթե գերսառեցումից հետո ցավում է մեկ ականջը կամ երկուսը միասին, ապա հավանաբար դա պայմանավորված է միջին օտիտով: Այն ականջի վարակ է

Ինչ անել, եթե երեխան ունի լեյկոզ

Ինչ անել, եթե երեխան ունի լեյկոզ

Այս հիվանդության դեպքում խաթարվում է արյան բջիջների հասունացման գործընթացը

Միֆեր տեստոստերոն հորմոնի մասին

Միֆեր տեստոստերոն հորմոնի մասին

Տեստոստերոնն առավել մեծ քանակությամբ արտադրվում է տղամարդկանց օրգանիզմում, սակայն այն պակաս կարևոր չէ նաև կանանց առողջության և լավ ինքնազգացողության համար։