Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից


Տղամարդն ուրոլոգիական առաջին զննումն անցնում է կյանքի առաջին ամիսներին, երբ մանկաբույժը զննում է իրականացնում՝ ամորձապարկի զարգացման պաթոլոգիաները բացառելու նպատակով։ Այնուհետև 12-16 տարեկան հասակում՝ սեռական հատունացման ժամանակ, հարկավոր է այցելել ուրոլոգի՝ պրոֆիլակտիկ ստուգման նպատակով և շարունակել այցերը 3 տարին մեկ։


Ամենից հաճախ տղամարդիկ դիմում են ուրոլոգի՝ սեռական ճանապարհով փոխանցվող հիվանդությունների, շագանակագեղձի ադենոմայի և այլ քրոնիկ հիվանդությունների գանգատների դեպքում (դժվարամիզություն, ցավ, անհարմարության զգացողություն, քոր, այտուց…):


Շագանակագեղձի ադենոման հիմնականում առաջանում է տղամարդու ծերացման հետևանքով: Մինչև 40 տարեկանը շագանակագեղձի ադենոման հազվադեպ է գրանցվում, 60 տարեկանին մոտ հասակում գրանցվում է շատերի մոտ, իսկ 80 տարեկանում՝ տղամարդկանց մեծ մասի մոտ։
Հաճախ 80 տարեկան հասակում ունենալով շագանակագեղձի ադենոմա՝ տղամարդը կարող է չունենալ գանգատներ և չկասկածել ադենոմայի մասին, քանի որ այն կարող է շատ փոքր լինել և չազդել կյանքի որակի վրա։
Բոլոր դեպքերում շագանակագեղձի ադենոման դատավճիռ չէ: Պարզապես պետք է մնալ բժշկի վերահսկողության տակ, հետևել դրա աճին և անհրաժեշտության դեպքում քայլեր ձեռնարկել։


Ինչպե՞ս է մարդու ապրելակերպը ազդում վերարտադրողական գործառույթի վրա:


Նստակյաց ապրելակերպն ազդում է վերարտադրողական գործառույթի վրա, նվազեցնում է տեստոստերոնի արտադրությունը: Արդյունքում ավելի քիչ սերմնաբջիջներ են արտադրվում, ինչպես նաև նվազում է դրանց շարժունակությունը։ Ուստի խորհուրդ է տրվում պահպանելու ֆիզիկական ակտիվությունը, ինչպես նաև հրաժարվելու ծխելուց, ալկոհոլից, քանի որ արդեն ապացուցվել է, որ թունավոր նյութերը նվազեցնում են սերմնահեղուկի որակը:
Նաև խորհուրդ է տրվում նվազեցնելու սննդակարգում կենդանական ճարպի քանակը՝ փոխարենն ավելացնելով բուսական սնունդը: Առողջ կենսակերպը և կանոնավոր կերպով պրոֆիլակտիկ հետազոտությունների իրականացումը թույլ կտան բարձրացնել վերարտադրողական գործառույթը և պահպանել առողջությունը։

Կարևոր է նաև պաշտպանված սեռական հարաբերություններ ունենալը, ինչը թույլ կտա խուսափել վարակներից, որոնք հանգեցնում են մինչև իսկ անպտղության։ Առաջին իսկ գանգատների դեպքում հարկավոր է անմիջապես դիմել բժշկի՝ բարդություններից խուսափելու համար։

 

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին
 

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Կարո՞ղ է արդյոք պայթել միզապարկը, եթե երկար ժամանակ զսպեք ձեզ ու չմիզեք

Կարո՞ղ է արդյոք պայթել միզապարկը, եթե երկար ժամանակ զսպեք ձեզ ու չմիզեք

Միզապարկն ունի առաձգական պատեր, որոնք որոշակի արտաքին ազդեցությամբ իսկապես կարող են պայթել, սակայն ոչ մեզի մեծ ծավալի պատճառով

Պոլիօրգանային անբավարարություն

Պոլիօրգանային անբավարարություն

Պոլիօրգանային անբավարարությունը մի քանի օրգանների գործունեության խախտման հետևանքն է: Տվյալ ձախողումները կարող են առաջանալ միաժամանակ կամ հաջորդաբար: