Արտամարմնային բեղմնավորման (ԱՄԲ) ծրագրերում երբեմն ստացվում են բարձր որակի էմբրիոններ, սակայն հղիություն չի զարգանում։ Նման իրավիճակներում կարևոր է հասկանալ, որ հաջող հղիության համար անհրաժեշտ է ոչ միայն կենսունակ էմբրիոն, այլև ընդունողունակ էնդոմետրիում և էմբրիոնի ու արգանդի միջև բարդ կենսաբանական փոխազդեցություն։

Ի՞նչ է իմպլանտացիան
Իմպլանտացիան գործընթաց է, որի ընթացքում բլաստոցիստի փուլ հասած էմբրիոնը կպչում և ներթափանցում է էնդոմետրիում՝ ձևավորելով հետագա հղիության հիմքը։Այս գործընթացի խանգարումը կարող է հանգեցնել կրկնվող իմպլանտացիոն անհաջողությունների։

Հնարավոր պատճառները

Էնդոմետրիումի ընկալունակության խանգարում՝Էնդոմետրիումը պետք է գտնվի այսպես կոչված «իմպլանտացիոն պատուհանում», երբ այն առավել պատրաստ է ընդունել էմբրիոնը։

Քրոնիկ էնդոմետրիտ՝Էնդոմետրիումի երկարատև բորբոքային փոփոխությունները կարող են խոչընդոտել իմպլանտացիային նույնիսկ լավ որակի էմբրիոնի առկայության դեպքում։

Արգանդի խոռոչի պաթոլոգիաներ

• Էնդոմետրիալ պոլիպներ
• Սուբմուկոզ միոմաներ
• Ներարգանդային սինեխիաներ
• Արգանդի բնածին արատներ

Էմբրիոնի գենետիկական առանձնահատկություններ՝Մորֆոլոգիապես լավ տեսք ունեցող էմբրիոնը միշտ չէ, որ գենետիկորեն նորմալ է։

Ախտորոշում և գնահատում

• Հիստերոսկոպիա
• Էնդոմետրիումի գնահատում
• Ուլտրաձայնային հետազոտություն
• Անհրաժեշտության դեպքում՝ գենետիկական հետազոտություններ

Իմպլանտացիայի անհաջողությունը բազմագործոն խնդիր է, որը պահանջում է անհատականացված մոտեցում։ Ժամանակակից վերարտադրողական բժշկությունը հնարավորություն է տալիս բացահայտել բազմաթիվ պատճառներ և բարձրացնել հաջող հղիության հավանականությունը։