Մայրանալը, անկասկած, հրաշալի երևույթ է, սակայն մայր դառնալով դուք շարունակում եք մնալ կին՝ ամուսնու համար սիրելի և ցանկալի: 

Փորձը ցույց է տալիս, որ հիմնականում նորաթուխ մայրիկների մի մասը ծննդաբերությանը հաջորդող երեք ամիսների ընթացքում խնդիրներ է ունենում սեռական կյանքում, մյուսների խնդիրներն էլ շարունակվում են ամբողջ տարի, ոմանք էլ ընդհանրապես խնդիր չեն ունենում այս հարցում: Այսպիսով, ծննդաբերությունից հետո ե՞րբ է կարելի սեռական հարաբերություն ունենալ:

Խորհուրդ է տրվում ծննդաբերությունից հետո շարունակել սեռական կյանքը ոչ շուտ, քան մոտ 40 օր հետո: Դա այն օպտիմալ ժամանակահատվածն է, որն անհրաժեշտ է կնոջ օրգանիզմին լիարժեք վերականգնվելու համար: Այդ շրջանում դադարում է հեշտոցի արյունային արտադրությունը (լոխիա), արգանդը կրճատվում է, եթե ծննդաբերական ուղիների շրջանում եղել են կարեր, ապա ապաքինվում են, վերականգնվում է հեշտոցի պատի հյուսվածքների առանձգականությունը և այլն: