Հղի կանանց
Ճի՞շտ է, որ հղիության ընդհատման դեղորայքային մեթոդը կիրառվում է մինչև հղիության մոտ 8-9-րդ շաբաթը, իսկ գործիքայինը՝ մինչև 12-րդ շաբաթը
Հղիությունը միշտ չէ, որ ցանկալի է կնոջ համար: Պետք է գիտակցել, որ հղիության ընդհատումը խիստ պատասխանատու քայլ է և չի կարելի տրվել վախին ու հուսահատությանը: Նկատի ունեցեք, որ որքան բարձր է հղիության ժամկետը, այնքան մեծ է առողջությանը վնաս հասցնելու վտանգը:
Ներկայում կիրառվում է հղիության ընդհատման երկու եղանակ՝ դեղորայքային և վակուում ասպիրացիա: Դեղորայքային ընդհատման մեթոդն ավելի արդյունավետ է հղիության վաղ ժամկետում՝ մինչև 9 շաբաթական դառնալը:
Մյուս մեթոդը՝ վակուում ասպիրացիան, կնոջ ցանկությամբ կարող է կիրառվել հղիության և՛ ցածր, և՛ բարձր ժամկետներում: Օրենքի համաձայն՝ թույլատրվում է հղիությունն ընդհատել մինչև 12 շաբաթական ժամկետը:
Հաշվի առեք՝ հղիության դեղորայքային ընդհատման մեթոդն առանց բժշկի նշանակման և վերահսկողության հակացուցված է, քանի որ կարող է լրջագույն խնդիրներ առաջացնել և անգամ սպառնալ կնոջ կյանքին:
13752
