Բեղմնավորման նպաստավոր օրերը և կնոջ պահվածքը
16032
Հայտնի է, որ կնոջ արտաքինը և պահվածքը փոխվում են բեղմնավորման համար ամենանպաստավոր օրերին (ցիկլի 10-14-րդ օրը): Մաշկն ավելի լուսավոր է դառնում, կուրծքը՝ համաչափ, կինը, ի տարբերություն սովորական օրերի, ավելի ոճային և արտահայտիչ հագուստ է ընտրում՝ կարծես ցույց տալով, որ ցանկանում է և պատրաստ է բեղմնավորման:
Հոգեկան առողջության ազգային ինստիտուտի (ԱՄՆ) և Ճանաչողական գիտության ինստիտուտի (Ֆրանսիա) հետազոտողները պարզել են, որ հենց այս շրջանում կանայք ընդհանուր առմամբ ավելի ակտիվ են և ավելի մեծ հաճույք են ստանում տարբեր զբաղմունքներից, լինի սեքս, ազարտային խաղեր, թե սովորական համեղ աղանդեր:
Եթե այդ պահին կինը հաջողություն է վայելում հարաբերություններում, ապա ավելի զգացմունքայնորեն է ապրում դրանք, քան սովորաբար: Գիտնականներն այդ ազդեցությունը բացատրում են կենսաբանական նպատակահարմարության գործոնով. զբաղված կնոջն ավելի հեշտ է «որսալը»՝ ճիշտ այն պահին, երբ հղիանալը նպատակահարմար է:
