Դեմքի մերսում, որ պահպանում է երիտասարդությունը

Դեմքի այս մերսումն իր այցելուներին է խորհուրդ տալիս ֆրանսիացի հայտնի կոսմետոլոգ Ժոել Սիոկոն։ Նրա այցելուներից են Մոնիկա Բելուչին և Ռենատա Լիտվինովան։

Մերսումը ցուցված է ցանկացած տարիքի և մաշկի տեսակի դեպքում։ Դեմքի թարմ գույնը, մեծ առաձգականությունը և ձգությունը, կնճիռների նվազումն այս մերսման միակ առավելությունները չեն։ Այն նաև մեծացնում է կոսմետիկական միջոցների ազդեցությունը, որ օգտագործվում են նրանից անմիջապես հետո։

Մերսեք դեմքն օրական մեկ անգամ, լվացվելուց հետո։ Արդյունքն զգալու և տեսնելու համար յուրաքանչյուր շարժումն արեք մեկ րոպե կամ մեկ րոպեից էլ մի քիչ ավել։

Ուժեղացնել ավշային հոսքը

Առանց շտապելու երկու ձեռքերի ցուցամատով, միջնամատով և մատնեմատով միաժամանակ սեղմեք մաշկը՝ շարժվելով վերևից ներքև՝ ճակատից դեպի պարանոց։ Դրանով խթանում եք ավշի հոսքը, մի հեղուկի, որն օրգանիզմից հեռացնում է թունավոր նյութերը՝ նվազեցնելով այտուցվածությունը և թարմացնելով դեմքի գույնը։

Դարձնել ավելի ձիգ և առաձգական

Երկու ձեռքերի բթամատով և ցուցամատով նրբորեն բռնեք և բարձրացրեք մաշկն առանց շատ ձգելու։ Հիշեք՝ խորը չի նշանակում ագրեսիվ։ Թե որ կողմ շարժվել, կարևոր չէ, կարևորն աչքերի շրջանի, պարանոցի և դեկոլտեի հատվածը չմոռանալն է։

Խթանել արյան շրջանառությունը

Թուլացրեք դաստակները և մատներով նուրբ հարվածեք դեմքին։ Նպատակն այն է, որ ոչ թե ցավի, այլ մաշկը մի փոքր կարմրի։ Այդ նուրբ «ապտակները» լավացնում են արյան շրջանառությունը, մաշկը հարստացնում թթվածնով և բարելավում տոնուսը։

Աղբյուրը