Սեռական կյանքն ու առողջությունը
24289
Երբևէ մտածե՞լ եք, թե ինչ ազդեցություն է ունենում սեռական կյանքն առողջության վրա: Ի՞նչ է տալիս մեր օրգանիզմին սեքսը: Պարզվում է, որ այն բազմաթիվ բարենպաստ ազդեցություններ է թողնում օրգանիզմի վրա:
Սեքսը նվազեցնում է սթրեսը: Հետազոտությունները ցույց են տվել, որ սեքսն օգնում է նվազեցնել արյան ճնշումը և նպաստում է ընդհանուր սթրեսի կրճատմանը: Այն բարձրացնում է իմունիտետը, ինչի արդյունքում նվազում է մրսածությամբ և այլ վարակներով վարակվելու վտանգը: Այն բարենպաստ ազդեցություն է ունենում ֆիզիկական առողջության վրա, կարելի է ասել սեքսն իր տեսակի մարմնամարզություն է: Դրա ընթացքում կալորիաներ են այրվում:
Սեքսը բարելավում է սրտանոթային առողջությունը, նվազեցնում է կաթվածի վտանգը: Տղամարդկանց դեպքում նվազեցնում է նաև շագանակագեղձի քաղցկեղի վտանգը: Իսկ կանանց օգնում է ամրապնդել կոնքի հատակի մկանները, ինչը կարևոր է հետագայում անմիզապահության խնդրից զերծ մնալու համար:
Սեքսի և հեշտանքի ժամանակ օրգանիզմում արտադրվում է օքսիտոցին կոչվող հորմոնը: Զգայական տեսանկյունից այն օգնում է զույգերին ինտիմ կապ հաստատել, շփվել, սիրել, հոգ տանել միմյանց մասին: Օքսիտոցինի մակարդակի բարձրացումը խթանում է էնդորֆինի արտադրությունը: Դրա շնորհիվ ցավային զգացողությունները նվազում են: Այնպես որ եթե նկատում եք, որ սեքսից հետո ցավերը մեղմանում են, ապա այս հորմոնների շնորհիվ է: Բացի այդ, օքսիտոցինը նաև նպաստում է լավ քնին:
Նմանատիպ նյութեր
Ճի՞շտ է, որ եթե սերմնահեղուկը թափվում է հեշտոցից, ապա նվազում է հղիանալու հավանականությունը
Ճի՞շտ է, որ եթե կինը հեշտոցային օրգազմ չի ապրում, ուրեմն հիվանդ է
Ցավ սեռական հարաբերության ժամանակ. ինչի մասին է վկայում
Հղիությունը մեծացնո՞ւմ է սեռական ցանկությունը
Ինչպես ճիշտ օգտագործել պահպանակը և ինչ անել, եթե պատռվել է
