Հորմոնների հետազոտություն

Հորմոնները քիմիական նյութեր են, որոնք ի զորու են ազդել ամբողջ օրգանիզմի կամ առանձին օրգանների վրա՝ վահանաձև գեղձի, սեռական համակարգի, մակերիկամների, ճարպային հյուսվածքի, մաշկի և այլն։

Հենց այդ միացություններն են կառավարում օրգանիզմում ընթացքող պրոցեսների մեծ մասը, այդ պատճառով հորմոնների հետազոտությունը թույլ է տալիս կարևոր տեղեկություններ ստանալ առողջական ընդհանուր վիճակի մասին։

Վահանաձև գեղձի ֆունկցիայի հետազոտում

Վահանաձև գեղձի խնդիրների դեպքում հարկավոր է կատարել ստորև նշված հետազոտությունները։

T3, որը կարևոր է հանգուցավոր-թունավոր խպիպի ախտորոշման համար։ Տրիյոդթիրոնինի արտադրության նվազումը կարող է վկայել հիպերթիրեոզի կամ Խաշիմոտի թիրեոդիտի զարգացման մասին։

T4, որի հետազոտմամբ հնարավոր է հայտնաբերել գեղձի աշխատանքի խանագրումները։ Թիրոցիտը մասնակցում է նյութափոխանակությանը և ապահովում է նյարդային համակարգի բնականոն աշխատանքը։

TTH (ռուս․՝ ТТГ), որը վահանձև գեղձի և յոդի մակարդակի գլխավոր կարգավորիչն է, արագացնում է լիպոլիզը։ Այդ հորմոնները միասին պատասխանատու են սրտանոթային համակարգի, սեռական և մարսողական համակարգերի աշխատանքի համար։

Մակերիկամների հորմոններ

Կորտիզոլը, 17OHP, DHEA, DHEA-S և այլն, արտադրվում են մակերիկամներում, պատասխանատու են նյութափոխանակության, օրգանիզմում բորբոքային պրոցեսների ճնշման համար։ Օլիգոմենորեայի, հիրսուտիզմի, մաշկային խնդիրների, առանց ակնհայտ պատճառի նիհարելու դեպքում հարկավոր է հետազոտվել:

Վերարտադրողական համակարգ

Օրգանիզմում կան բազմաթիվ հորմոներ, որոնք ազդում են վերարտադրողական համակարգի վրա՝ դժվարություններ ստեղծելով բեղմնավորման համար։

Լյուտեինիզացնող հորմոնը (LH) վերահսկում է իգական սեռական պրոգեստերոն և արական տեստոստեոն հորմոնների արտադրությունը։ Այդ հորմոնի մակարդակի ցածր լինելու դեպքում հնարավոր է ձվազատում չկատարվի։

Կարդացեք՝ Պրոգեստերոն հորմոնի մակարդակի որոշում

Ֆոլիկուլախթանիչ հորմոնի (FSH) հետազոտություն է կատարվում, եթե կան սեռական օրգանների կամ հղիության հետ կապված խնդիրներ։

Կարդացեք՝ Ֆոլիկուլախթանիչ հորմոնի հետազոտություն

Էստրադիոլը նույնպես կարևոր հորմոն է, և հետազոտման ցուցում կարող է լինել կիստայի կամ ուռուցքի առկայության կասկածը։

Պրոլակտինի հետազոտություն է կատարվում, եթե կրծքում ցավ կա, ինչպես նաև՝ կրծքից թափանցիկ արտադրության, գլխացավերի կամ ցիկլի խանգարման դեպքում։

Կարդացեք՝ Պրոլակտին հորմոնի մակարդակի որոշում

Հորմոնների հետազոտություն նշանակում է միայն բժիշկը խորհրդատվություն անցկացնելուց և պացիենտի գանգատներին լիարժեք ծանոթանալուց հետո: