Բադի միսը պարունակում է B խմբի վիտամիններ և բազմաթիվ օգտակար միկրոտարրեր, առաջատարնորից է քրոմի և ցինկի պարունակությամբ։ Ի տարբերություն հավի և հնդկահավի մսի՝ բադի միսն ավելի շատ ճարպ է պարունակում և կարող է ալերգիա առաջացնել։

Բրոյլեր բադի միսը հարուստ է վիտամիններով և միկրոտարրերով՝ կալիում, նատրիում, ֆոսֆոր, կալցիում, երկաթ, պղինձ և այլն։ Պարունակում է վիտամին В, В1, В3, В6, В12, ռիբոֆլավին, ֆոլաթթու։

Պարունակում է նաև լիարժեք սպիտակուց, որը օպտիմալ հավասարակշռված է ամինաթթուների հետ և ուժգնացնում է սեռական կարողությունը։

Օգտակար է նաև բադի ճարպը, քանի որ նպաստում է օրգանիզմի մաքրմանը, վերացնում է քաղցկեղածին նյութերը։

Պարունակում է ֆերմենտներ, որոնք կարգավորում են նյութափոխանակությունը, օժտված է հակաաթերոգեն ազդեցությամբ, լավացնում է դեմքի մաշկի գույնը, խթանում է պոտենցիան։

Տնական բադերը բավականին ճարպոտ են, այդ պատճառով հարկավոր է նախքան եփելը հեռացնել ճարպի մի մասը։ Ի դեպ, եթե ձեզ դուր չի գալիս եփած բադի հոտը, կարող եք եփելիս բադի ներսում խնձոր դնել։

Վնասակար հատկությունները

Բադի մսի հիմնական վնասակարությունը մեծաքանակ ճարպն է, որը խոլեստերինի աղբյուր է։ Հակացուցված է ավելորդ քաշ ունեցող մարդկանց։

Մյուս բացասական կողմը մսի կոպտությունն է, ինչը դժվարացնում է խմորումը՝ ծանրաբեռնելով մարսողական համակարգը։ Այդ խնդիր չէ առողջ մարդկանց համար, սակայն ստամքսաղիքային տրակտի կամ լյարդի հիվանդություններ ունեցողներին կարող է վնասել։